” ده قانون كلاتنبيرج مش الكوره”.. تعليق ناري من شوبير على تعليمات الخبير الاجنبي في معسكر الحكام اليوم !!

علق الاعلامي أحمد شوبير على تعليمات مارك كلاتنبيرج الخبير الاجنبي المختص بتطوير التحكيم المصري للحكام خلال المعسكر الذي انطلق اليوم للحكام.

وانطلق اليوم المعسكر التحكيمي الاول تحت قياده مارك كلاتنبيرج وذلك من اجل استعداد الحكام للموسم الجديد من الدوري .

وقال شوبير:”احنا فالبرنامج كنا اول المؤيدين لسياسه التحكيم الجديده وكلاتنبيرج و الدفع بوجوه جديده وكلنا شوفنا اخر ٨ أسابيع الموسم اللي فات الكوره بتمشي اكتر والتحكيم احلى”. 

وواصل :”لكن يا مستر كلاتنبيرج اللي قولته فالمعسكر النهارده للحكام غريب ، كلاتنبيرج قالهم بالنص لو لاعب خد انذار و عمل فاول يستحق انذار تاني متديلوش وعديها “.

وأتم :”مفيش حاجه اسمها كده احنا ملتزمين بقانون كره القدم مش قانون كلاتنبيرج ، اتمنى كلاتنبيرج والمعسكر لسه شغال يراجع نفسه في القصه دي “.