تغنى الإعلامي سيف زاهر بنجم الزمالك شيكابالا بسبب دوره الهام في قياده الفريق للتتويج بالدوري للموسم الثاني على التوالي .
وأشاد سيف زاهر بشيكابالا وبتطور عقليته التي أدت لقيادته للفريق وتحقيق بطولات هامه مع الزمالك مثل كأس مصر على حساب الأهلي والدوري للمره الرابعه عشر في تاريخ النادي.
وقال سيف :” شيكابالا عامل موسم خاص السنادي ، في ناس بتقول شيكابالا قاعد تكريم ولكن شيكابالا ليه قيمه خاصه “.
وواصل :”شيكابالا عامل زي عادل امام وفاروق الفيشاوي وغيرهم من الفنانين العظام ،الناس دي استمرت في التمثيل كتير ليه ؟ عشان تطوروا في كل أدوارهم وكانوا دايما ابطال الفيلم ، الاول كان ييطلع يضرب ويكسر و بعدين بقا يطلع ٧٠٪ من الفيلم وهكذا “.
وأكمل :”شيكابالا كده بالظبط وبقا عارف دوره تمام في الفريق ، في ناس كتير عارفه ان مدربين كتير مبيفضلوش النجم الكبير عشان لما بيقعد بيقلب وشه او بيعامل اللعيبه الصغيره وحش “.
واضاف:”شيكابالا غير كده خالص ، بيحفز اللعيبه الصغيره تلاقيه ، بينزل اخر ١٠ دقايق. ميعترضش تلاقيه ، اللي يجيب جول ويجري عليه تلاقيه ، بيقف على الخط يحفز اللعيبه تلاقيه ، شيكابالا قدر يطور من نفسه تفكيرياً “.
وعن مصير شيكابالا الموسم المقبل قال :”التفكير اللي بيراوض فيريرا واداره الزمالك هو بقاء شيكابالا لمده موسمين زياده في نادي الزمالك”.
