كشف الإعلامي سيف زاهر عن مفاجأت جديده تخص مستقبل كهربا مع النادي الأهلي خلال الفتره المقبله .
وكان الزمالك قد حصل على حكم ضد محمود عبد المنعم كهربا بدفع مبلغ يقارب الـ50 مليون جنيه مصري ، بالإضافه لإيقافه لمده سته أشهر بسبب عدم الدفع ، وذلك بعد تقدم الزمالك شكوى ضده بسبب هروبه من النادي .
وقال زاهر :”عندي مفاجأه بخصوص كهربا ، وعندي حد من المقربين جدا جدا من كهربا كلمني ، يعني اعتبر ان اللي كلمني كهربا”.
وواصل :”كلامي عن كهربا سببله حاله مضايقه ، الأمور الاخيره بالنسبه لكهربا ليا انا مضايقاني ، انا بوجهله نصيحه انه يفكر هيدفع الفلوس ازاي لازم يلعب ، يدفع نصها بقا او كلها مش مهم المهم انه يرجع يلعب ، حتى لو هيلعب في اي نادي تاني مش شرط الاهلي “.
وأضاف :”كل الحلول مفتوحه قصاد كهربا ، يعني كهربا جاب مدير أعماله وقاله استفسر من الاهلي انا وضعي ايه عشان اخد قرار لان لو متقيدتش في القايمه الاولى اخد قراري ، ال١٨ نادي بتوع الدوري الممتاز حلول متاحه لكهربا “.
وأتم :”لو كهربا متقيدش في الاهلي قايمه اولى هتبقى هناك مفاجأت مدويه بخصوصه”.
