شوبير يوضح أخر تطورات مفاوضات الزمالك لضم نجم طلائع الجيش .. والموقف النهائي لمروان عطيه !!

كشف الإعلامي أحمد شوبير عن أخر تطورات مفاوضات الزمالك لضم نجم خط وسط فريق طلائع الجيش عمرو السيسي ، كما كشف عن الموقف النهائي لمروان عطيه سواء بالإنضمام للزمالك او البقاء في الاتحاد السكندري .

وكانت تقارير صحفيه قد ربطت الثنائي عمرو السيسي و مروان عطيه بالإنتقال للزمالك لتدعيم خط الوسط للفريق خاصه بعد رحيل طارق حامد عن صفوف الزمالك .

وقال شوبير:”الزمالك بيحاول يخلص مع عمرو السيسي و قصه مروان عطيه اتقفلت لان مسئولي الاتحاد رفضوا رحيل عطيه و احمد عادل ميسي”.  

وواصل :”كنت كلمت مسئول في طلائع الجيش اللي أكدلي قبل كده ان بسام مستحيل يخرج ولكن لما لقيت بسام خرج كلمت المسئول تاني قاللي العرض مستحيل يترفض وده اغلى لعيب في سوق الانتقالات ، فإتقالي برضو السيسي لا زي بسام والزمالك بيتكلم عليه فلسه هنشوف القصه هتوصل لفين “.

وأتم :”الزمالك بيقدم رجل ويأخر رجل في مسأله عمرو السيسي و الطلائع مشدد في حكايه الفلوس وانا معلوماتي ان الاهلي والزمالك مبدفعوش فلوس كتير السنادي واكتر ناديين بيدفعوا هما المصري وسيراميكا كليوباترا”.