“عليه العوض”.. تعليق مثير من رضا عبد العال على تولي كولر تدريب الاهلي بسبب جروس

علق رضا عبد العال نجم الكرة المصرية السابق، على تولي مارسيل كولر القيادة الفنية للنادي الأهلي خلفا للبرتغالي ريكادو سواريش.

وقال رضا عبد العال في تصريحات ببرنامج اللعيب عبر فضائية ام بي سي مصر:”هنستنى نشوف مارسيل كولر قبل ما نحكم عليه، ولكن لو هو تلميذ جروس يبقى عليه العوض، لان مدرب الزمالك السابق قضى على لاعبين ومنهم اوباما اللي مرجعش من وقتها”.

واضاف:” اي مدرب بيطبق فكر استاذه، ولو تفكير مولر زي جروس يبقى عليه العوض، لانه كان السبب في عدم فوز الزمالك ببطولات، ولولا طارق حامد وكهريا قالوا للحكم في ضربة جزاء مكنش كسب الكونفيدرالية”.

وشدد عبد العال:”لو كولر تفكيره زي استاذه جروس يبقى عليه العوض”.

اقرأ ايضا.. مصطفى فتحي يحسم الجدل حول إمكانية انتقاله للأهلي

وهنا قاطعه مهيب عبد الهادي مقدم البرنامج: “صعب نحكم عليه من قبل ما يبدأ”.

فرد رضا عبدالعال: “عاوز ايه يامهيب ترضي جمهور الاهلي، انا بقول اللي يرضي ربنا”.

وواصل عبد العال:”هنستنى نشوف كولر، لكن كابتن الجوهري كل المدربين اللي بيقلدوه تبيكال ولا واحد نجح لانه كان متفرد باسلوبه”.

واختتم: “حسام البدري نجح علشان مشي على طريقة جوزيه واخد من استاذه، وانا استاذي جورديولا عالميا وفي مصر حسن شحاته”.