دعم المستشار مرتضى منصور رئيس مجلس إداره نادي الزمالك ايمن عبد العزيز مدرب المنتخب الوطني بعد حمله هجوم شديده تعرض لها المدرب فور اعلان توليه المنصب في جهاز فيتوريا .
وكان إتحاد الكره قد أعلن في وقت سابق عن تولي ايمن عبد العزيز منصب المدرب في جهاز البرتغالي فيتوريا في منتخب مصر ، ليكتمل بذلك تشكيل الجهاز الفني للفراعنه .
وقال المستشار مرتضى:”ايمن عبد العزيز كايد ناس كتير ، اللي ميعرفش مين ايمن عبد العزيز ده كابتن نادي الزمالك ودرب في الزمالك و في تركيا واسم كبير ، وبعدين الناس اللي معترضه هو ولا سيد معوض ؟ هو ولا عصام الحضري ؟ هو ولا محمد شوقي ؟ “.
وواصل :”حازم امام مجبش ايمن عبد العزيز المنتخب ، ايمن عبد العزيز اللي جابه شغله وموهبته ، وبعدين مش حازم ده الكيوت ؟ دلوقت بقا الجبار اللي جاب ايمن ولا هو جبار في جزء وكيوت في جزء ؟ “.
وأكمل :”ايمن عبد العزيز الصغير غلط و ابوه امير عبد العزيز وايمن عبد العزيز لما عرفوا هما اللي عاقبوه وده كفايه اوي عندنا ، وكان لازم يعرف ان النادي فيه انضباط خصوصاً انك كابتن المنتخب وقدوه” .
وأتم :”الاهم من الاعتذار عن الخطأ هو الاعتراف بالخطأ وايمن وامير اتصرفوا والولد اهلا بيه تاني في الزمالك محصلش حاجه خلاص”.
