حسم الإعلامي سيف زاهر الجدل حول كثره الاسماء المطروحه لتدريب الأهلي خلال الفتره الماضيه بعد إقاله ريكاردو سواريش المدير الفني السابق للأهلي .
وكان الأهلي قد أعلن عن إقاله ريكاردو سواريش المدير الفني للفريق بعد نهايه مشوار الفريق فالدوري بعد مباراه سيراميكا كليوباترا بسبب سوء مركز الأهلي في جدول ترتيب الدوري.
وقال زاهر :”ناس كتير بتهاجم بعض الإعلاميين وبعض مشاهير السوشيال ميديا اللي ليهم متابعين كتير ، عشان بيقولوا انت كل يوم تطلع تقولي حاجه في ملف المدير الفني ، على فكره الكلام بتاع الاعلامي كله صح “.
وواصل :”الاسماء كلها في الجيم ، واداره الاهلي بتشوف الاسماء وبتتصل وتعمل فيديو كونفرنس ، ولحد الأن لم تستقر إدارة الأهلي على المدير الفني الجديد “.
وأكمل :”حتى الأن الناس كلها بتجتهد ومفيش معلومه مؤكده عن المدير الفني وكله مجرد إجتهادات ، وكل الاعلاميين اللي بيقولوا اسماء صح لان الاسماء كل شويه بتتغير و اسم يتم الاستقرار عليه وبعدين يخرج “.
وأتم :”الاهلي مش هيجيب غير مدير فني كبير ، ومعاه سي في قوي الاداره معندهاش رفاهيه المدرب المشروع الفتره الجايه”.
