اكد المستشار مرتضى منصور رئيس نادي الزمالك، انه لايتدخل مطلقًا في اختيار الصفقات الجديدة للفارس الأبيض، وشدد ان المسئول الأول والأخيره هو جوسقالدو فيريرا المدير الفني للفريق.
وقال مرتضى منصور في فيديو تم بثه عبر قناة الزمالك: ” جماهير الزمالك، انتم جمهور محترم وعظيم وممثل عنكم رابطة الزمالك بقطر والذين استبقلوا الفريق افضل مايكون”.
واضاف:”المباراة صعبه جدا هنواجه فريق الهلال الكبير صاحب البطولات، ولديه لاعبين على اعلى مستوى،
لكن احنا مش خايفين، ولدينا امل يرجعوا بالكأس وعندنا ثقة في ربنا واولادنا وجهازنا الفني”.
واردف مرتضى:” ناس كتير حذروني من سفر ولادي لان.في رسايل وصلت هنفجرهم، ولكن انا مؤمن انه لن يحصل اي شى لم يكتبه الله”.
وشدد:بشكر دوله وشعب قطر استقبلوا احمد وامير افضل إستقبال ورئيس الاتحاد القطري ذهب اليهم، مش معقول حد يقابل ولادي بكل الترحاب وانا اقوله في ايه، شكرا قطر على استقبالهم لولادي وحسن الضيافه”.
واوضح مرتضى: “هناك امور هامه حدثت خلال48ساعة، لكن لن اصرح بها الابعد مباراة الزمالك والهلال”.
واضاف:” الزمالك له رئيس واحد هو مرتضى منصور اسد عمره ماكان طرطور ولاهيكون، وهو رئيس مجلس ادارة القناة، وبنستضيف كل المعارضين وهيظهروا في القناة، نحن ما نتحمله فوق طاقة البشر”.
واكمل منصور:” انا خوفي على رئيس نادي اسنكدراني داخل ف دماغه انه رئيس الاهلي، خايف ان الحاله اللي بتجيي له ويلبس بيجامه وكازوز ويقف في ميدان المنشيه ماهو مجنون كل بسطرمة ممكن تموت او اشرب عصير ممكن تتسمم”.
واستطرد: “رئيس للزمالك لايتدخل في الصفقات الجديدة وفيريرا هو اللي بيختار ولو اختار لاعب مكسح هاخده”.
واختتم:” رغم بنجيب احسن الصفقات وفي ناس فاكره هتعمل وصاية علي بعد كل السنين بالنادي، مش هيجي شوية عيال صغيره تمشيني في القناة والصفقات وتقولي اعمل ايه”.
