“انت في قلبي وعلى دماغي”.. جمال عبد الحميد يُفسر تصريحاته ضد فيريرا ويعتذر له على الهواء

حرص جمال عبد الحميد عضو مجلس إدارة نادي الزمالك، على الإعتذار للبرتغالي جوسفالدو فيريرا المدير الفني للفارس الابيض، بعد تصريحات الاول ضد المدرب عقب مباراة فلامبو البوروندي في دوري الابطال.

وقال جمال عبد الحميد في تصريحات ببرنامج زملكاوي عبر قناة الزمالك: “قالوا المجلس هيمشي فيريرا، المستشار مرتضى عمله جنينه باسمه وعمره ما عمل لده لاي مدرب قبل كده”.

واضاف:” اذا يبقى المستشار مرتضى بيحبه وقاله تعالى اعمل عضويه عامله بالزمالك وتكون رئيس نادي وعمره ماعرض الموضوع ده على حد”.

واوضح عبد الحميد:” احنا بنحب فيريرا جدا، ولبينا له كل اللي عاوزه وهو بيحبنا”.

وشدد:” واحد فرحنا وجاب لنا بطولات، اروح انكد على الجمهور وامشيه! ايه المخ ده”.

وواصل عبد الحميد:”مش معقول كل الناس بتعشقه، من لاعبين واداراة وجمهور، وانا اقول امشيه، تصريحاتي اتفهمت بطريقه غلط وانا عاذر الجمهور
هو مبسوط في وسطينا وهو في قلبي وعلى دماغي من فوق”.

واختتم: “قالوا ان المجلس بيحط اول مسمار في رحيل فيريرا، المستشار مرتضى بيرد طول الاسبوع وقال نفسنا يستمر مع طول العمر”.