اكد رضا عبد العال لاعب الاهلي السابق، ان صفقة الزمالك يعتبر رمضان صبحي جديد واضافة قويه، وشدد ان لاعب الاحمر افضل من البرازيلي برونو ساڤيو.
وقال رضا عبد العال في تصريحات تليفزيونيه ببرنامح اللعيب عبر قناة أم بي سي مصر:”الونش صخره، وغيابه يأثر في اي فريق، والمباريات القادمه هتوضح هل الموجودين هيعوضوا غيابه ام لا، وبالذات مباراتي سيراميكا والاهلي”.
واضاف:”انت ملعبتش الزناري ليه الماتشين اللي فاتوا، انت جايب صفقة، وصفقة محترمه وزي ما اديت سامسون ونداي كنت شارك الزناري، لان الونش كان على كف عفريت، مصاب من الموسم اللي فات كان لازم تأهله “.
وشدد عبد العال:” المثلوثي بتلعبه في مكان مش بتاعه
محدش هيرحمك انت داخل على مباريات هامه”.
واوضح:” انت عملت صفقات ليه؟، فيريرا كان عاوز كده، مكنش عاوز لعيبه في صفقات سوبر السوبر اتعرضت عليه ورفضها، زي ايبوكا والجلاصي وعبد الكبير الوادي”.
وواصل عبد العال:” احسن ان نداي مش هيلعب محستوش زيه زي سافيو، ريحه ايه اللي في ساڤيو، حاطط ريحه حلوه، معملش حاجه تثبت انه محترف برازيلي، ده كينو بهر كل المصريبن من اول لمسه، حسين الشحات احسن منه هو وزياد طارق”.
وزاد:” مصطفى شلبي اضافه كبيره للزمالك، لانه رمضان صبحي جديد، وسيبك من سنه اهم حاجه فنياته، وبيفرق عن رمضان انه بيجيب جول”.
واختتم: “اه حطيت نداي وسافيو في دماغي، سامسون في ريحه، وجاب جول”.
