رد الإعلامي خالد الغندور، على تصريحات طارق السيد لاعب الزمالك السابق، بشأن إمام عاشور نجم خط وسط الفارس الأبيض.
وكان طارق السيد، قد اطلق تصريحات مثيرة للجدل حول محاولات الأهلي لضم إمام عاشور، رغم ان عقده مستمر مع الزمالك لمدة موسمين.
وقال خالد الغندور في تصريحات تليفزيونيه ببرنامج زملكاوي عبر قناة الزمالك:” طارق السيد قال ان في كلام من الاهلي مع امام عاشور، لوعاوزين نعمل بروباجندا ونضحك على الناس، امام عاشور لسه في عقده سنتين وزملكاوي هو وعيلته، وياما عانى من جماهير الاهلي وياما اطلق عليه اسم تاني لايليق، وتعليقات سيئه منهم”.
وأضاف:” ياريت منعملش بروباجندا لمده 900 سنه واللاعب عقده مستمر سنتين، ويقولك الاهلي مضاه وايه المنطق نقول كلام في اي كلام”.
واختتم الغندور: “اتقال بن شرقي وساسي وزيزو في الاهلي، كل لما حد يتألق مع الزمالك يتقال في الاهلي، وايضا قالوا محمد شريف في الزمالك، ونطلع فقاعات ونقول حاجات متدخلش العقل بس هتعمل شغل على السوشيال ميديا”.
