أكد أمير مرتضى منصور المشرف العام على الكرة بالزمالك، ان الفارس الأبيض إنتصر في قضية الهارب محمود كهربا لاعب الأهلي، وشدد ان مايهم ادارة القلعه البيضاء هو الحصول على الغرامه، وايقاف الهارب لايعينهم في شئ.
وقال أمير مرتضى في تصريحات تليفزيونيه عبر قناة الزمالك:”الاسماعيلي نادي كبير، لديه جمهور ولاعيبه محترمين، وعندهم جهاز فني محترم، موقع الاسماعيلي لايدل على تاريخه وشخصيته ونتمنى لهم للتطور”.
واضاف:” مباراة الإسماعيلي كانت مهمة لنا لانها هتفرق معنا في البطولة، مواجهة الفرق الكبيره والفوز بها مهم بالنسبة لنا، الحمدلله على الفوز ودخل هدف اول دقيقتين وقدرنا نعوض”.
وشدد مرتضى:” اسوان بيقدم نتايج كويسه وعندهم شخصيه، هيكون ماتش صعب هنستعد لهم بشكل كويس، وهنسافر يوم الاحد لاسوان”.
وواصل:” الونش في قطر بيتأهل، الاصابات بتاعت ربنا ونتمنى السلامة لاكرم توفيق برده مصطفى شوبير سمعت انه اتصاب بالتمرين”.
واكمل مرتضى؛: “اللاعب لما يتصاب الاعلام بيضغط ليه مرجعش، اي لاعب محتاج وقت، واحنا عندنا الاهم صحة اللاعب وياخد قته، واهم شئ يتعالج صح ونتمنى الضغط يخف في الكلام عن المصابين”.
واوضح:” مفيش انتصار جديد في قضية كهربا، احنا القضيه منتهيه وانتصرنا، الفكره انه ينفذ قرار الفيفا، احنا مش معنيين يلعب او لا، احنا اللي يهمنا يسدد الغرامه”.
وردا على سؤال هل يعود محمودشبانه في يناير؟،أجاب: في وقت معين هنتكلم على الصفقات والعائدين من الاعارة”.
