فتح الإعلامي سيف زاهر النار على جمهور الأهلي بسبب انتقادهم للمدير الفني مارسيل كولر ونجم الفريق محمد مجدي أفشه ، وذلك بعد إضاعته لركله الجزاء في مباراه فيوتشر الأخيره بالدوري.
وكان الأهي قد تعادل مع فيوتشر المنقوص عددياً منذ الدقيقه العشرين بهدف لكل فريق ، ليفقد الأهلي نقطتين في الصراع على صداره الدوري، وشهدت المباراة اضاعه افشه لركله جزاء في الدقيقة الرابعه والتسعين من عمر المباراه.
وقال زاهر في تصريحات تلفزيونيه عبر برنامج ملعب أون تايم:”هو احنا مبنتعلمش الدرس ؟ دلوقت افشه مكنش المفروض يشوط وشاط طب مشوه ، كولر مكنش المفروض يخلي افشه يشوط طب مشوه”.
وواصل :”سيد عبد الحفيظ ازاي مياخدش سبرينت وياخد الكوره من افشه ازاي معلمش كده طب مشوه هو كمان” .
وتابع :”واحد يقولي ريح ياعم سيف واقعد على جنب ، اقوله لا هو انتوا مش عاجبكوا حاجه لو المدير الفني اتكلم تقول ازاي يقول كده على لعيبته ، ولو مدير فني سكت تقولوا هو افشه لعبها ليه وانت وفين” .
وأتم :”الراجل كولر المحترم طلع المؤتمر الصحفي وقال انا معرفش افشه شاط ليه واتكلم بصراحه ، والراجل اجنبي ميعرفش الحاجات بتاعتنا هنا واتكلم بصراحه عشان محترم” .
