تحدث البرتغالي جيسوالدو فيريرا المدير الفني لفريق الكره الأول بنادي الزمالك عن أداء لاعب الفريق الجديد سامسون اكينيولا ، كما تحدث عن موقف ابراهيما نداي من العوده للمشاركه في المباريات خلال الفتره المقبله.
وكان الزمالك قد فاز على فريق نادي حرس الحدود برباعيه نظيفه ، ليرفع الزمالك رصيده إلى النقطه الـ٢٠ في وصافه جدول الترتيب.
وقال فيريرا في المؤتمر الصحفي عقب المباراه:”عندنا لاعبين جدد في حاجه لاكتساب الثقه مع المباريات ، احنا بنكسب المباريات وقدرنا نكسب المباراه من دون تلقي اهداف ودي حاجه مهمه ، لسه قدامنا وقت وشغل جماعي عشان الكل يعرف ايه الطريقه الاهم بالنسبالنا”.
وتابع :”زي ما احنا عارفين ان تسلسل المباريات والوقت القليل في الركيفري الوضع هيفضل زي ما هو ، ولكن المباريات بالسنبالنا حالياً هي احسن تمرين و هنحاول نعمل مداوره ونبعد عن الاصابات” .
وواصل :”سامسون زيه زي لاعبين اخرين لسه في مستوى اقل من اللاعبين الاخرين وانا مش بتكلم على الكوالتي انا بتكلم على الاداء البدني و التأقلم مع المجموعه ولسه قدام هيجي” .
وأكمل :”احنا عندنا ٣ راس حربه السنادي والسنه اللي فاتت كان عندنا واحد بس ، التلاته لم كانوا هنا حصلت ظروف مختلفه ليهم ، ولازم يكتسبوا الثقه حالياً”.
وأتم :”ابراهيما نداي حالياً مع الجهاز الطبي ، ولو جبنا مهاجمين تانيين هيبقى عندنا كده ١٠ مهاجمين ، لسه مسأله الانتقالات قدام وهتعامل معاها انا “.
