أكد الإعلامي خالد الغندور، ان أمير مرتضى منصور المشرف العام على الكرة بالزمالك، هو السبب وراء رفض أحمد زيزو نجم الفارس الأبيض، تسلم جائزة افضل لاعب خلال مباراة حرس الحدود التي أقيمت بالأمس.
وقال خالد الغندور في تصريحات تليفزيونيه ببرنامج زملكاوي عبر قناة الزمالك: ” زيزو رفض استلام جائزة أفضل لاعب، بناء على طلب أمير مرتضى، بسبب طريقة اختيار افضل لاعب في الجولة وتجاهل لاعبوا الزمالك”.
واضاف: “الناس اتكلمت على لاعب الجوله، وكل مباراة بيتم اختيار افضل لاعب، ومعرفش مين بيختار اكيد فنيين، وهل في واحد قاعد في الملعب بيختار، عاوزين مين بيختار دي تقطه مهمة”.
وشدد الغندور:”خلال عدد من الماتشات بتختار كل مباراة لاعب المفروض تختار واحد منهم، لافضل لاعب في الجوله، مينفعش لاعب الجوله بتصويت الجمهور لانه حاجه غير منطقيه”.
واردف: ” اتلعب 8 جولات اول 6 مباريات تم اختيار لاعبين من الاهلي الافضل في الجوله والـ7 اختاروا احمد الشيخ، طيب مين صوت له ومصوتش ليوسف اسامه نبيه، مفيش ولا لاعب من الزمالك في الـ7 جولات تم اختياره”.
وأختتم:” امور لامنطقيه وسؤال لرابطة الانديه لما تختار مين اللي بيختار؟، لازم تعلن وتقول تم تعيين مثلا عدد من اللاعبين القدامي في اللجنه اللي بتختار و5 صحفيين مع 2 و3محللين، مع 10 او15٪تصويت الجمهور، يبقى اختيار لاعب الجوله والمباراة منطقي”.
