وجه البرتغالي جيسوالدو فيريرا المدير الفني لفريق الكره الأول بنادي الزمالك رساله ناريه للاعبي الزمالك وذلك على الرغم من الفوز على حرس الحدود برباعيه نظيفه في الدوري.
وكان الزمالك قد حقق فوزاً كبيراً على فريق حرس الحدود برباعيه دون رد ، ليرفع الزمالك رصيده إلى النقطه الـ٢٠ في وصافه جدول الترتيب بفارق نقطتين فقط عن المتصدر.
وقال فيريرا في المؤتمر الصحفي عقب المباراه :”احنا لسه مش افضل حالاتنا ، لسه معندناش استمراريه ، ولسه في لحظات الرتم بيقع” .
وتابع :”احنا كسبنا وبينا وبين قمه الدوري نقطتين ، احنا في المباراه التامنه كسبنا ٦ واتعادلنا في ٢ وانا شايف ان دول كانوا اسوء مبارايتنا ،مينفعش ابدا ابقى كسبان واتعادل” .
وواصل :”اللعيبه لازم تفهم ان الزمالك مينفعش يريح في اي دقيقه في المباراه ، ده بيحصل ساعات وده نتيجه دخول لاعبين جدد في الفريق”.
وأتم:”في لعيبه وصلت متأخره وفي لاعبين مصابين ، هنحاول نلعب على مستوى عالي وكثافة عاليه وده الافيد لينا كفريق”.
