علق عبد الحليم علي نجم الزمالك السابق على خسارة الفارس الأبيض اليوم أمام الأهلي في الجولة الـ14 من بطولة الدوري الممتاز، ويوجه رساله للجمهور.
وقال عبد الحليم علي في تصريحات تليفزيونيه عبر قناة الزمالك: “اخطاء متكرره ومش لاقي مبرر لها، والامور ليست مدير فني بس، من اقل الماتشات للفريقين”.
واضاف:” انت مش محدد هدفك من البدايه، في اخطاء قاتله من فيريرا، وليه التغييرات دي، ومفيش دافع ولاحافز من اللعيبه، والتغييرات قلبت المباراة كان ممكن افضل محافظ على التعادل ومفيش هجمه واحده للزمالك”.
وشدد علي: “فيريرا مدرب كبير وانجز مع الزمالك، لكن منعرفش دماغ فيريرا فيها ايه حاليا ومش محضر للمباراة كويس، ومش دي اول مباراه، دي7 مباراة على التوالي مش عيب نصحح الاخطاء”.
واردف:” اللعيبه كمان الزمالك اسم كبير وتلبس الفانله وتشوف جماهيرك في امور مش محتاجه مدير فني”.
واختتم؛: “جمهور الزمالك متحزنش انت واخد بطولتين ودي كره القدم، طالما في اخطاء والبطولات جايه والمشوار طويل بس تعرف مشاكلك فين وتحلها”.
