كشف جمال عبد الحميد عضو مجلس إدارة الزمالك، أسباب العُقم التهديفي داخل الفريق الأول لكرة القدم بالفارس الأبيض، وذلك قبل مواجهة الأهلي في قمة الدوري المصري.
وقال جمال عبد الحميد في تصريحات تليفزيونيه ببرنامج “زملكاوي” عبر قناة “الزمالك”: “احنا ظالمين سيف وسامسون هات كرة واحدة راحت لهم داخل منطقة الجزاء، او في لاعبين بيساندوهم”.
واضاف:” لماسامسون تم شده من التيشرت في مواجهة الداخليه داخل منطقه الجزاء، هو من حلاوته وقوته موقعش علشان يجيب جول، وهيعرف ويتعلم ان في مصر مفيش الكلام ده، نفسي اعرف حكم الفار نام ازاي اليوم ده، ومشفهاش ازاي”.
وشدد عبد الحميد: “هات كره انفراد لسامسون وضيعه، هو ذنبه انه جاب هدف اول ماتش؟، فبعدها امسكوا اهريوه ضرب، وبيكون معه 3 او 4 داخل منطقة الجزاء”.
واختتم:” سيف وسامسون بيكونوا لوحدهم داخل منطقة الجزاء، عاوزين كثافه هجوميه داخل المنطقه والناس متخافش وتهاجم، لان عندنا خط وسط قوي، علشان نحل ازمة العقم التهديفي لازم يكون في كثافه هجوميه”.
