علق الإعلامي عمرو أديب على صور ثلاثي الزمالك عبدالله جمعة ومصطفى شلبي ومحمد صبحي أثناء جلسة إزالة الشعر بالليزر، وشدد ان ماحدث أمر غريب للغاية.
وقال عمرو أديب في تصريحات تليفزيونيه ببرنامج ” الحكاية”عبر قناة”إم بي سي مصر: ” موضوع غريب انتشر اليوم والناس استغربت، لان في 3 لعيبه بالزمالك راحوا يشيل شعر بالليزر”.
وأضاف: “هم أحرار، لكن اللي كان غريب وعمل ضجة عبر السوشيال ميديا انهم نشروا الصور و بيشيلوا الشعر من تحت دراعاتهم ايه الشئ المهم في الامر”.
إقرأ ايضا..عاجل.. مهيب عبدالهادي يُعلن حسم الزمالك أولى الصفقات الشتوية
وشدد أديب:” منهم 2 لعيبه دوليه ايه السبب اللي يخليهم يقولوا لنا انهم عملوا ده؟، ايه المهم؟، الزمالك تصرف بسرعة وفرض عقوبات 300 الف جنيه، لما تضم ده على موضوع الحشبش اللي حصل الأسبوع اللي فات، تستغرب ايه الاخبار الغريبه دي”.
وواصل: “انتم عندكم ماتش مهم مع بيراميدز في الكاس والفائز هيواجه الفائزمن مباراة الأهلي وسموحه، انت كلاعب تركيزك ايه؟، والماتش الجاي عندك الاهلي”.
واختتم:” حتى لو حبكت يعني ان انتم عاوزين تشيلوا شعر ده شئ خاص جدا، مينفعش تقوله، ممكن تعلنوا انكم طلعتوا رحله ماشي،اكلتوا كباب في مطعم ماشي لعبتوا دوره في مركز شباب ماشي، او قررتوا تسافروا كل ده عادي تنزلوا الصور، انما ازاله الشعر شئ غريب جدا”.
