مرتضى منصور يتحدث عن صفقات الزمالك في يناير.. ورسالته للاعبين والجهمور بشأن السحر والشعوذة!!

تحدث المستشار مرتضى منصور رئيس نادي الزمالك، عن صفقات الفريق خلال فترة الانتقالات الشتويه الحاليه، ووجه رساله هامة للجمهور واللاعبين بشأن السحر والشعوذة.

وقال مرتضى منصور في تصريحات تليفزيونيه عبر قناة الزمالك: “في صفقتين او3 امير شغال عليهم، اتفقنا مع اللعيبه وباقي انديتهم، انا بجيب صفقات مش علشان الجمهور عايز، لا علشان احنا محتاجين”.

واردف:” انا واحمد وامير، والجمهور الوحيدين اللي مش بنقبض”.

إقرأ ايضا.. عاجل.. مهيب عبدالهادي يُعلن حسم الزمالك أولى الصفقات الشتوية

واضاف مرتضى: “قلت للعيبه ردوا على الاساءة بتاعت جمهور الاهلي، وردوا عليهم في الملعب، وتفائلوا خير واوعوا تفتكروا القاذروات بتنفع لانك بتحاول تغير ارادة ربنا”.

وشدد:” ناس بتتعب وتشقى علشان تكسب، وانت بالقاذورات عاوز تتغير ارادة الله”.

واكمل مرتضى؛:”بطالب رابطة الانديه تعمل كشف منشطات للاعبي الاهلي، احنا ولادنا مبياخدوش منشطات”.

وزاد: “جمهور الزمالك خلص التذاكر بتاعت الماتش في دقايق، بشكركم وانتم فوق دماغي، وان شاء الله ولادنا يفرحونا، وانا قلتلهم اعملوا اقصى جهد والعبوا برجوله ومتعوا نفسكم بالكره، ومتع جماهيرك، وانسى الضغط اللي عليك”.

واختتم:” احنا بنقرا قرآن، وطالبت اللعيبة بالمواظبه على قراءة القرآن، علشان القاذورات، قالك عاوز اروح ستاد القاهره علشان سيد يحط القاذورات هناك، اعمل سحر زي مانت عاوز ربنا اقوى منك، يا استاذ ياللي نقلت الاهلي لاستاد القاهره خلي عندك دم، هو مش كان واخد ستاد السلام وفي مقابل يبقى ده اهدار مال عام عاوزين نفهم”.