مرتضى منصور يكشف كواليس جلسته مع لاعبي الزمالك قبل لقاء الأهلي..وإنضمام عضو جديد لجهاز فيريرا

كشف المستشار مرتضى منصور رئيس نادي الزمالك، كواليس جلسته مع لاعبي الفريق، والجهاز الفني بقيادة البرتغالي جيسفالدو فيريرا قبل مواجهة الأهلي.

وقال مرتضى منصور في تصريحات تليفزيونيه عبر قناة الزمالك:” اجتمعت باللعيبه لمدة10 دقايق، اختصار الكلام نقفل الصفحه هنبدأ الدودي كانه هيبدا السبت، و اللي فات مات باحزانه، صالحوا جماهيركم والناس اللي فرحت بكم واسترجعوا مشهد الاتوبيس واحتفالكم بالدوري”.

إقرأ ايضا.. عاجل.. مهيب عبدالهادي يُعلن حسم الزمالك أولى الصفقات الشتوية

وأضاف:” لنا حق هناخده بدون تفاصيل، راح مذكره للفيفا، وانت اتنططت ياكهربا والخطيب فتح صدره وممكن انت كنادي تنرل درجه تانيه لانك لعبت لاعب هربان، حسب المادة 24 اللي بتقول ممنوع يلعب قبل السداد”.

وشدد مرتضى:” اللي عمله كهربا صحوة الموت الرياضيه وربنا يخليه لامه وابوه واخته والنسوان، المذكره راحت الصبح وفيها الماتش”.

وواصل: “المهم اللعيبه، طبعا قولتلهم صالحوا جماهيركم والاهلي تهجم عليه ومتخافش منهم هتكسبه كل الانديه بتكسبه”.

واكمل مرتضى:” هتدفع الثمن غالي علشان شاركت كهربا، وغباء منك انه لعب علشان جماهيرك مش هتسيبك علشان جاب جول”.

واردف:”طلع التحكيم وظبط الفار وطلع السحر والشعوده المخرجين واتفرج على فريقك، عواد سبب انضمامه للمنتخب تصديه لضربات الجزاء يدخل فيه 5 ضربات ازاي مش معقول”.

وزاد مرتضى: “ستاد القاهرة من ساعه ماتمرنوا فيه العيال متلخبطه، وبيروحوا يدربوا فيه وبيعملوا ويحطوا اللي عاوزينه، عاوزين نلعب كره ولعب ضد لاعب ومدرب ضد مدرب، يخرب بيتكم مش كده، وقل اعوذ برب الفلق من شر ماخلق ومن شرغاسق اذا وقب ومن شر النفاثات في العقد”.

واشار مرتضى:” ايوه انتم بتعملوا سحر اسود نصحت اللعيبه يقراوا قران، تخرج من الاعلام الفاسد تدخل الفار الفاسد، تدخل على التحكيم الفاسد”.

واختتم: اتصلت بدكتور تغذيه هينضم للجهاز وناس تانيه بتتصل بجامايكا، فيريرا رحب جامد بحسين ياسر المحمدي، خاصة انه بيكلم برتغالي كويس، ومحمد صبري هيدرب فريق2003″.