“أداء ولا أوحش”.. تعليق ناري من خيري رمضان على خسارة الأهلي أمام الهلال و”خناقة” الشناوي!!-فيديو

علق الإعلامي خيري رمضان، على خسارة الأهلي أمام الهلال السوداني في الجولة الثانيه من دور المجموعات بدوري إفريقيا، وكذلك انتقد بعنف محمد الشناوي حارس الاحمر بسبب دخوله في “خناقة” مع لاعبي الهلال.

وقال خيري رمضان في تصريحات تليفزيونيه عبر قناة “القاهرة والناس”:” فقد الاهلي اول 3 نقاط في افريقيا، وخسر اول مباراة افريقيه لكولر، بعد اداء ولا اوحش واداء ردئ، واضح ان كولر مش فاهم الكره الافريقيه شويه، ولازم حد يقف جانبه يفهمه لازم سامي قمصان يكون معه”.

واضاف:” لاهنتحجج بتوقيت المباراة ولا ارض الملعب لان عيب نقول ده مع الاهلي، ولايجب ان ترى لاعبي الاهلي منشغلين بالتحكيم مكنش لك ضربه جزاء ولا فاولات مؤثرة، الاهلي كان سيئ لان كولر بدا بتشكيل غلط ومنزلش صانع العاب وبدا ببيرسي تاو وهو ضعيف جسمانيا ومبيعرفش يلعب براسه، ازاي اقعد افشه وشريف جانبك على الدكه”.

وشدد رمضان: “الاهلي خسر بسبب اخطاء كولر، ولاعبي الاهلي مرهقين، الاحمر يستحق الخساره والهلال يستحق الفوز”.

واردف:” الشناوي كابتن الفريق هو حارس عظيم ولعب مباريات كثيرة، معرفش لامتى الاهلي هيلعب بحارس واحد؟، الرجل تشبع كره دي مش اخطاء يقع فيها الشناوي، طبيب الهلال السوداني ضرب عبد المنعم علشان يستفزه انا كابتن الفريق اهدي اللعيبه ولا اتخانق وكل كره يعترضوا”.

وواصل رمضان: “اه التحكيم المصري افقدهم الثقه لكن مش كل دقيقه يعترض انت وظيفتك تلعب وبعدين مفيش ڤار علشان تعترض، وانت مغلوب ازاي اوتر اللعيب وكل لعبه بخناقه، الاهلي حط عبء كبير عليه، وبعد يومين يلعب في اسوان وده مخالف للايحه اتحاد الكره اللي بتقول بعد سفر ميلعبش بعد يومين وبعدها هيلعب مع صن داونز”.

واختتم:” الزمالك ليس افضل من الاهلي تعادل مع المريخ ونجا من هزيمه وعنده ازمه، دول كبار مصر في ازمه في اللعيبه ومستواهم ونفسيتهم سيئه، الفريقين مهددين بالخروج من افريقيا، الزمالك وضعه اسوء، الفريقين لازم يراجعوا نفسهم الفلوس شبعتكم بتاخدوا فلوس كتير ومدلعين عاوزين ايه تاني”.