فاز الفريق الاول لكرة القدم بنادي الزمالك على سموحة بنتيجة ثلاثة اهداف مقابل هدف، في المباراة التي جمعت بينهما اليوم، على ستاد “برج العرب”، ضمن منافسات الجولة الثامنة عشرة للدوري الممتاز.
ونجح الزمالك في العوده لنغمه الإنتصارات بعدما تلقى الهزيمه أمام نادي شباب بلوزداد الجزائري بدوري أبطال أفريقيا بهدف نظيف سجله ليونيل وامبا.
إقرأ أيضاً| “موضوع كهربا انتهى” … سيف زاهر يفجر مفاجأت من العيار الثقيل بشأن أزمه الهارب مع الزمالك !!-فيديو
وقال فيريرا في تصريحات تلفزيونية عبر المؤتمر الصحفي الذي اعقب المباراه:”اول ٣٠دقيقه في الشوط الاول كنا كويسين جداً واحرزنا ٣ اهداف وكنا ممكن نحرز الرابع ، الشوط التاني كان اصعب بالنسبه لينا” .
وواصل :”عندنا ازمتين الاولى فقدان الثقه بسبب النتائج الأخيره وعندنا مباراه في افريقيا صعبه كمان ٣ ايام ، تاني مشكله هي الارهاق وده ظهر في الشوط التاني وكان بسبب اخر ماتش “.
وتابع :”كنا المفروض نحصل على الفوز ده من بدري ولكن الأمور مكنتش بتحصل بالصوره الي عاوزها “.
وشدد :”الفوز النهارده بيثبت ان اللاعبين مفقدوش الكواليتي وان اللاعبين يقدروا يرجعوا الثقه في نفسهم مره تانيه” .
وأضاف :”زي ما قولنا الشوط الاول كان جيد ، المجموعه كلها لعبت بصوره كويسه خاصه الناحيه اليمين اللي لعب فيها سيف جعفر وزيزو وسيد نيمار ، عملوا كثافه كويسه والاهداف بتاعتنا كانت من الناحيه اليمني.
وأردف :”احنا عرفنا من الفيديوهات ان المنافس بتاعنا عنده مشاكل في الجبهه اليمنى ، الشوط التاني كان لازم يبقى في لاعبين فريش اكتر وده كان سبب التغييرات” .
وأكمل :”احنا عندنا وقت قليل بين المباريات ، لازم كل اللاعبين تشارك وتنافس ، في لاعبين بيتمرنوا كتير و مبيلعبوش والعكس لاعبين بيتمرنوا اقل وبيلعبوا ماتشات اكتر ، لازم كله ياخد الفرصه ويلعب”.
وأتم :”احنا بنعمل ريكڤري ولازم بين كل فتره ندي للاعبين عشان نحافظ على المستوى والكواليتي في الفريق” .
