هاجم الإعلامي هاني حتحوت، منظومه الزمالك بالكامل بعد الخسارة من فاركو، في المباراة التي جمعت بين الفريقين اليوم، ضمن منافسات بطولة الدوري المصري.
وقال حتحوت في تصريحات تليفزيونيه ببرنامج “الماتش” عبر قناة “صدى البلد”:” ده اسهل فوز لفاركو، وجمهور الزمالك زعل مني علشان قلت كده”
وأضاف: “ان يخسر الزمالك بهذا الاداء والمستوى فضيحه، يتحملها كل اطراف المنظومه ماعدا الجمهور الذي هتف، هو الوحيد الغير مذنب”.
وشدد حتحوت:” اللعيبه مسئولين والجهاز والادارة100٪، كل الاخطاء حدثت في الزمالك خلال شهر يناير”.
واردف:”قبل ان يكون فبرايرشهر كبيس وكذلك مارس مهم تجاوب لماذا كان يناير كبيس، انت كادارة ازاي مخلي الفريق كده؟ مفيش روح خالص، ليه الصفقات كده؟ وليه المستوى؟، انت كادارة موفر الاجواء السيئه دي، انت اللي خرجت فتوح وخليته اخر 6 ماتشات ميلعبش”.
وتابع حتحوت:” في اجواء شتيمه، ازاي اللعيبه تركز، في لعيبه من الزمالك بتعمل ريأكت على بعض الامور اللي بكتبها عن الادارة متفقه على ما اقوله عن الادارة”.
واختتم:” انت خرجت امام عاشور وفجأة سيف جعفر بيشارك لاول مرة منذ فترة، فيريرا يمشي ثم يعود من جديد علشان ايه بقى؟، اياما كان رجع بعد ما حقق انتصار لاسامه نبيه وشوفناه مشهد فيه فيريرا بيتوسط اسامه نبيه واحمد عبد المقصود، ازاي اللعيبه تبقى عارفه مين بيدربهم”.
