حرص عبد الحليم علي لاعب الزمالك السابق، على توجيه رسالة مؤثرة الى جماهير الفارس الأبيض، وذلك بعد الفوز على سموحه، ضمن منافسات بطولة الدوري.
وقال عبد الحليم علي في تصريحات تليفزيونيه عبر قناة الزمالك: “الزمالك طول عمره بطل واتعرض لكبوات كثيرة سابقا، والجماهير علي مدار التاريخ هي البطل وبقولهم النادي بتاعك انت مش بتاعنا، انتم ماخدتوش حاجه وبتزعلوا وبتشجعوا”.
واضاف:” الجماهير دي هي السبب في البطولات ووقفوا معنا وتاريخ الزمالك هم اصحاب الفضل فيه”.
وشدد علي:” ده ناديك انت وازعل بس التاريخ كده والانديه الكبيرة كده، هتتكعبل وتقف تاني، ازعل لكن متسبش ناديك اوعى تزعل ومتحزنش واللي جاي افضل”.
واردف:” انا انتقدت فيريرا ولكن بشيد بفيريرا اليوم لانه عالج اخطاءه”.
وأكمل علي: “الزمالك نادي كبير وبالجماهير الزمالك بيعود وخليكم مع فريقكم، جماهير الزمالك والكيان والتاريخ هم جماهيرنا، من حقك تزعل لكن عودتونا تقفوا معنا في اصعب الظروف وورانا في كل الاوقات مش بطولة هتقلل من الزمالك، ومبروك النهارده”.
واستطرد:” مش معنى ان فيريرا مر بظروف غير طبيعيه انه مش مدرب كبير، لا هو مدرب كبير وتاريخ، وواضح انه شغال، وغير من اسلوب اللعب ومنح اللعيبه اللي عندهم مهاره ونزعه هجومية”.
واختتم: “شيكابالا قائد وخبرات في الملعب، وافريقيا محتاجه خبره،اعطي للاعبين اصحاب الخبرة من اول الماتش وخد اللي عاوزه منه مش انزلها والدنيا مكهربه”.
