أكد الإعلامي خالد الغندور، ان مايمر به الزمالك حاليا أمر طبيعي في كرة القدم واي فريق معرض للتراجع مستواه،وطالب الجماهير بعدم الهجوم على الفريق واللاعبين.
وقال خالد الغندور في تصريحات تليفزيونيه ببرنامج
“زملكاوي” عبر قناة “الزمالك”:” كنت اتمنى اظهر والزمالك كسبان المريخ، ممكن نتكلم فنيا ومستوى اللعيبه والفرض الضائعه، لكن ما استطيع ان اقوله اننا تعادلنا، والترجي لسه هيلعب بلوزداد بكره، المؤكد الزمالك مازال لديه الفرصة في التأهل وصدارة المجموعه، ومباراتي الترجي في غاية الاهمية”.
وتابع:” نمر بحالة طبيعيه في كرة القدم، ممكن نعتمد على لعيبه بعيده عن مستواها، ولعيبه لسه صغيره اعجبت اليوم بسيف فاروق جعفر بيلعب لقدام، ممكن اتفهم على اللعب النجيل الصناعي واختلافه بين الطبيعي، ولكن كان في فرص لاحراز اهداف ولكن عانينا سوء التوفيق”.
واضاف الغندور: “زيزو مازال يبحث عن زيزو، غياب الونش والمثلوثي مؤثر علينا، وكذلك رحيل امام عاشور، ونداي مش جاهز خالص ومحتاج وقت للعوده، نأمل المباريات الجايه يدخل معنا بلحاج ومنسي؛وشبانه لانهم هيحدثوا الفارق”.
وشدد:” ممكن اطلع على القناة و السوشيال ميديا نقطع في الفريق واللعيبه والجهاز، هل التقطيع هيفيد؟، نعم نحن في اسوء حالاتنا وفي لعيبه بعيده عن مستواها والصفقات لم تتوهج بعد،ودورنا ندعم ونساند مش هنستفيد حاجه من التقطيع، ولنا اكثر من ضربه جزاء واتحكيم كان سيئ امام المريخ”.
وواصل الغندور:” بقول للجمهور بلاش كلام محبط وفرقه ضايعه، لكن نفكر احنا مرينا بظروف صعبه وتوالي مباريات وصفقات لم تبثت ذاتها احنا بنلعب بدون اجانب”.
واستطرد: “بكره الاهلي هيلعب مع الهلال وبدعم الاهلي كنادي مصري وبتمنى الحظ يحالفنا زي ما حالف الاهلي، انا فقدت الونش وامام اللي رحل، اللي كنت افضل استمراره، نتمنى الصبر، الموسم اللي فات كسبنا دوري وخرجنا من الكاس”.
وزاد:” الاهلي بيشارك في دوري الابطال بنوع من الحظ والتوفيق وهو تالت الدوري، واخد السوبر رغم انه لابطل دوري ولا كاس ده توفيق، وبرده اخد سوبر الطائرة وهو لابطل الدوري ولا الكاس وده توفيق من ربنا، وشارك في سوبر اليد وهو لابطل لادوري ولاكاس ده توفيق من ربنا”.
واكد: لعب في كاس العالم لانديه رغم انه مش بطل اافريقيا وده توفيق عند ربنا واحنا اول نادي تاهل لكاس العالم للانديه والشركه اليابانيه افلست ودي اول مره تحصل شركة يابانيه تفلس التوفيق محالف الاهلي الموسم ده، اي زملكاوي يقلل من الاهلي وانه شرفنا قدام الريال وخسر 4 يبقى مش مصري، كلنا اشدنا بالاهلي رغم انه دخل فيه 8 اهداف الا انه شرفنا”.
واختتم: “هندعم ونقف في ضهر الفريق
اللعيبه بالجهاز مكلمين لنهاية الموسم سواء عجبينك ام لا، والزمالك عنده في اكثر من بطوله الدوري والكاس والسوبر والبطوله العربيه ونتمنى التوفيق يكون ملازمنا”.
