اكد المستشار مرتضى منصور رئيس نادي الزمالك، انه في انتظار وصول جمال علام رئيس اتحاد الكرة من المغرب اليوم، لعقد جلسه معه لانهاء ازمةقيد لاعبي الفارس الابيض.
وقال مرتضى منصور في تصريحات تليفزيونيه عبر قناة الزمالك:” كل اللي بيقلوا ادبهم دول يقدروا يقابلوني في مكتبي؟، هو انا بيني وبين جمال علام وخالد الدرندلي ولاحازم امام ايه كلهم علاقتي بهم كويسه”.
واضاف:”تقولوا يتحبس واعملوا فيه اللي انتم عاوزينه بعيد عن الزمالك، يعني يتحبس ويتحل ويتشتم انما الكيان لا، انا لو وقعت يا بني النادي هيقع على طول، مش قعدنا 9سنين مفيش غير بطوله، ولما رجعت 14 بطوله كرة قدم”.
وشدد مرتضى:” انا زعلان من اللي بيتقال، حلوني 4 مرات وسقطوني في الانتخابات بالتزوير المفضوح وخيري رمضان قال الخطيب منمش إلا لما عرف انه سقط،هو ماله بانتخابات دايرتي”.
وواصل: “الخناقات دي كلها بسبب الكيان، لامش كده، والعاقلين يقولوا منك له وابعدوا عن الكيان، الخطيب كان بيجي مكتبي وحاضر افراح كل ولادي، الخناقه علشانكم مش علشاني انا، لو مني لهم وانا قدهم مليون مره، انا بشر عيب وبشوف الكيان بزعل المفروض تقولوا اللي يمسه يمس الكيان”.
واشار مرتضى:” النهارده الاحد الاخ جمال علام جاي بكره هقعد معه انا ووزير الرياضه،واتمنى يكون في صوت للعقل في مصر يكلم، ولما في اجهزه محترمه بتدخل لان في جماهير كبيرة بتستفز، انتم ليه مصممين جماهير الزمالك تنزل الشارع”.
واردف:” هو لما احمد موسى جايب امين الصندوق بالاهلي ويقول خليهم يجعجعوا عيب كده”.
وزاد مرتضى:” الدوله هتدخل علشان تطفي النار، مش اتحاد الكرة بيطلع بيان كل 5 دقائق ماتطلع بيان ان الزمالك غلطان واللايحه بتقول كذه، انتم مستخبين ليه؟، وجمال علام بيقول ان قلت عليه مش رجل وانا هوريله ان انا رجل، انا والله مقولتش كده واللي قالك كده بيضحك عليك، ومفيش صعيدي مش رجل”.
واستطرد: “جمال علام قاعد مع الخطيب بالمغرب والاسبيكر مفتوح بيسمع الاسطورة وبيستفز جمهور الزمالك،دي مؤامرة،وبيقول لهم انا اديت تعليمات بمنع القيد للزمالك”.
وتابع مرتضى:” تقولوا روحت كاس للعالم للانديه وتاهلنا لنهائي افريقيا، اللاعب بتاعي بعد ما اتفقت مع مصليحي ب12 مليون دفعت 25 مليون واخدته مني، ولاعب وفاق سطيف بعد ما اتفقت اخده ب500 الف دولار دخلت رفعت السعر واخدته، مين خد لاعب من عندي وهربه كهربا، مين خد مدرب السله ولاعب السله يادوله مين بيحتك بمين؟ “.
واوضح:” اذا كان اقوى3 لعيبه تعاقدت معهم ومش عاوز تقيدهم والكل بيتفرج، ياقناة اون علاقتي بكي انتهت حذرناكم مرة و2 بسبب شوبير وهو بيطلع يستفز الجماهير”.
واكمل: “اتحاد الكرة اصدر بيان رسمي في شهر يوليو2022، ان الزمالك سوى مديونياته اللي حصل مؤامرة حقيره، وتم جدولةالمستحقات، ودفعنا 9 مليون و5 مليون وكل شهر مليون، دي مؤامره، عاوز رجل فيهم يقول البيان اللي طلعوه مزور، القصه مش مرتضى، القصة انت هتاخد الدوري للمرة الـ3 وبييبو يزعل، لا فوق”.
واكد:” عاوز دكر في اتحاد كره يرد على البيان اللي نشروه على صفحتهم ياجمهور الزمالك فوقوا القصه انتم، عنوان البيان كان الزمالك يسوى مستحقاته، وقولتله خد 9 مليون مقابل مشاركه الجزيري في كاس العالم قالي لا، طيب خد7 مليون ونص، لا، وجمعنا 5 مليون رفضوا وهربوا مننا ورفضوا القيد، وجاي يابتاع هبه تقول بنفرح انتم اللي عملين الحزن لجمهور الزمالك”.
واسترسل: “مستنين جمال علام علشان نقعد وهم كلمتين، اذا لم تحل المؤامرة هعلن قرار سياسي رياضي اعلامي، انت مش عاوز مرتضى قول كفايه عليك رياضيا وسياسيا، انما الضرب تحت الحزام في الزمالك لا، انا مستني بكره وبعد الماتش تبقى جنت على نفسها براقش، هنقفل الصفحه، وياجمهورنا ياعظيم القصه مش مرتضى”.
واختتم:”هو منع يقيد 3 لعيبه مميزين ، والكل عليهم 3 اضافات رهيبه، يا استاذ جمال وحق القران الكريم محمود الخطيب كان عاوز يمشيك وانت عارف مين وقف معك وكلمتني وقلتلك انا وراك، واللي انت قاعد معهم كانوا عاوزين يمشوك، خلص الكلام”.
