رد نعمان سامي مدرب فريق 2005بالزمالك على اتهامات بدر حامد رئيس قطاع الناشئين بالفارس الابيض السابق.
وكان بدر حامد في قال في تصريحات تليفزيونيه: “فريق 2205 وده من احسن فرق النادي بيدربه واحد بتاع تنس طاوله وملوش علاقه بكره القدم بيمسك الفريق، محمد حلمي لما اعترض عليه مشوه ، وده من اسباب ان قطاع الناشئين متدمر، قطاع الناشئين دلوقت ٦ شهور محدش خد مليم ، انت كده بتخلي المدرب من غير كرامه ، هتخليه يمد ايده ويقبل هدايا من ولي امر .
وقال نعمان سامي في تصريحات تليفزيونيه عبر قناة إم بيسي مصر:” انا عندي 25 سنه وبشتغل من5 سنين وسافرت بره وواخد رخصه ويفا بي من الاتحاد الانجليزي وماسك فريق 2005 ماشي تاني في الدوري”.
واضاف:” انا بوضح الصوره لكابتن بدر حامد عاملين نتايج جيده، وفريق 2005 ليس بالمركز الـ11 كما قال بل بالمركزالثاني”.
وشدد سامي: “في ناس كبار في السن عاوزين يمسكوا ومتضايقين ان شباب شغالين في قطاع الناشئين كابتن اسماعيل يوسف هو اللي شغلني”.
واختتم:” انا كنت لاعب تنس وانا صغير وخريح حقوق واشتغلت في الزمالك، وسافرت انجلترا واخدت رخصة ويفا بي، وعملت معايشات في انديه اسبانيا وعملت دراسات وقدمت السي في في الزمالك واشتغلت”.
