شوبير يكشف أسباب صعوبه مباراه العوده أمام مالاوي ويؤكد: لا أحد يستطيع جبر اللاعب على ترك الصيام!!
أكد الإعلامي أحمد شوبير أن مباراه العوده أمام منتخب مالاوي ستكون صعبه للغايه بسبب صعوبه الأجواء ، مؤكداً أن لا أحد يستطيع جبر اللاعبين على ترك الصيام.
إقرأ أيضاً| مفاجأه من العيار الثقيل ولأول مرة .. خالد الغندور يكشف الشخص وراء تسريب عقود الزمالك!!
وقال شوبير في تصريحات تلفزيونية عبر برنامج ملعب أون تايم:”مباراه العوده امام مالاوي صعبه لعده اسباب ، اولهم ان المنتخب خشن شويه ودخلوا على صلاح مرتين تلاته كده خاف على نفسه و باقي اللعيبه خافت برضو” .
وواصل :”التحكيم الافريقي لسه بعافيه وده كان واضح النهارده ، تاني سبب هيبقى الارهاق ومع الصيام وهل هتتمرن الصبح ولا بالليل وبعدين مالاوي بعيده رحله سفر طويله مش زي المغرب او السودان”.
وتابع :”تالت حاجه هتبقى ان المباراه الساعه ٣ العصر في عز الصيام ، واللعيبه رغم ان معاهم رخصه بالافطار الا ان موضوع الصيام ده ليه خصوصيه شديده واللعيبه كلها بتصر على الصيام” .
وأكمل :”انا مفطرتش غير مباراه واحده وكنت بادئ الماتش صايم كان قصاد اثيوبيا ولكن عشان البلد فوق مستوى سطح البحر بكتير مكناش عارفين ناخد نفسنا”.
وأتم :”محدش بيقدر يجبر اللعيبه على الفطار وانا لاعب محدش اجبرني ولما بقيت مسئول معرفتش اجبر حد برضو”.
