“شويه عيال هيحركونا؟” .. خالد الغندور يفتح النار على السوشيال ميديا بسبب لقطه أحمد عبد المقصود المستفزه!!
فتح الإعلامي خالد الغندور النار على رواد وسائل التواصل الإجتماعي بعد إنتقادهم للجهاز الفني للزمالك في مباراه بيراميدز وخاصه الثنائي أحمد عبد المقصود وأسامه نبيه .
إقرأ أيضاً| “صفر .. مبيعملش حاجه” .. حازم امام يفتح النار على نجم الزمالك بعد التعادل مع بيراميدز !!
وظهر الثنائي وهم يضحكان في مباراه بيراميدز الأخيره في الدوري والتي انتهت بالتعادل السلبي ، مما أثار غضب جمهور الزمالك بسبب تراجع النتائج الفتره الأخيره .
وقال الغندور في تصريحات تلفزيونية عبر قناه الزمالك:”بعد الماتش لقيت لقطه لفيريرا مدي ضهره للملعب واسامه نبيه وعبد المقصود بيضحكوا” .
وواصل :”لقيت الناس بتقول كارثه الزمالك متعادل ودول بيضحكوا ، ازاي يضحكوا !! ، افرض انا مثلا قاعد جنب زميلي وفريقي مش خسران وزميلي قال كلمه ف انا ههه ضحكت عادي ، ايه المشكله يعني ، هي مصيبه ؟ هو انا حد ماتلي مينفعش اضحك ؟ “.
وشدد :”مش شايف اي كارثه دي حاجه عاديه جدا ، هو الجهاز الفني مش عاوز يكسب يعني ، هو ليه السوشيال ميديا بتحركنا طول الوقت ؟ شويه عيال صغيره تحركنا وتقولك ده يضحك وده ميضحكش ؟ “.
وأتم :”زي اللي حصل مع نيمار وهو بيشرب فيتامين واتقال بيشرب شاي ، لا يا راجل هو عمل كارثه حتى لو بيشرب شاي ؟ بيشرب خمره يعني ؟ نازل سكران !! هو ايه المصيبه ، ايه الكارثه يعني ؟ لكن شغل السوشيال ميديا كله ينزل بوستات وكله يعمل لايكات وكله يكسب دولارات” .
