أكد عبد الظاهر السقا المدير الرياضي لنادي فيوتشر، ان لاعبي الزمالك يعانون من الإحباط، ويجب على البرتغالي جيسفالدو فيريرا المدير الفني للفارس الأبيض معالجة الامر.
وقال عبد الظاهر السقا في مداخله هاتفيه ببرنامج “اللعيب” عبر قناة “إم بي سي مصر”:” مفيش عقوبات علي سعد سمير، هو من كباتن الفريق واصابته اتجددت فكابتن علي ماهر حب يريحه”.
واردف: “كابتن علي ماهر خلاص هيقف على الخط في مباريات فيوتشر الإفريقية، لانه خلاص بياخد الرخصه وحتى لو منتهتش الدوره من حقه يقف على الخط”.
وشدد السقا:” كل تفكيرنا وتركيزنا على فريق اسكوكارا لانه فريق ليس سهل ولو معديناش المباراة هنبقى بره المنافسه، المباريات الإفريقيه مبتضمنش، ومباراة بيراميدز لقاء صعود”.
ماهو رأيك في لقاء الزمالك والاهلي؟
اكد السقا: “دايما كمدافعين نقول طول مفيش اهداف دخلت فيك انت معك نقطه، متفكرش في اللي جاي ولا النتايج وركز واعمل اللي عليك واول ربع ساعه يكون تركيز، وبنثق في لاعبي الزمالك والاهلي، ولازم يقدموا اللي عليهم وميستعجلوش الملعب ويكون في تركيز خلال90 دقيقه، ولازم تحسسهم انك فرقه كبيره ومش خايفين من اول دقيقه”.
واختتم:” الاهلي هيفوز على القطن ومهمته سهله، انما الزمالك عنده مشكله كبيره ومباراة صعبة والامور غير مستقره ولو لعبت للتيشرت ويعرفوا ان في ملايين مستنين يعملوا المطلوب منهم، ولازم مستر فيريرا يلعب على الناحيه النفسيه لان اللعيبه عندهم احباط كتير”.
