“علشان ميدخلش في حسبة برما”.. تحذير مهم من ميدو لـ كولر قبل مواجهة الأهلي والهلال – فيديو

حذر الإعلامي أحمد حسام (ميدو)، لاعبي الأهلي من التسرع في مواجهة الهلال السوداني، بدور المجموعات، في دوري أبطال أفريقيا.

وقال ميدو في تصريحات تلفزيونية ببرنامج الريمونتادا، المذاع عبر فضائية المحور: “الاستعجال هيعمل نتيجة عكسية على الأهلي، لازم الأهلي وهو بيهاجم يهتم جدا إنه ميدخلش فيه هدف عشان ميدخلش في حسبة برما”.

وتابع: “المعادلة الصعبة اللي كولر محتاج يفك شفرتها هي ازاي الأهلي يهاجم وفي نفس الوقت ميستقبلش أهداف، ودي محتاجة إن الظهيرين ميندفعوش طول الوقت، مع وجود لاعب ارتكاز رقم 6 قوي”.

وواصل: “أنا متأكد إن كولر هيشتغل على انصهار اللاعيبة مرة تانية مع الفريق من أول بكرة بعد تجمع الفريق كله، إلى جانب وقفة الفريق الدفاعية وازاي هيشتغل على تعطيل الهجمات المرتدة”.

وأتم: “كولر هينبه على اللاعبين عدم الاندفاع، وخصوصا ياسر إبراهيم، اللي بيبيع نفسه في مواقف الهجمات المرتدة، لازم كولر يأخذ حذره من سرعات مهاجمي الهلال”

شاهد: