“كان بيشيل الفرقه لوحده” .. سامي الشيشيني يستعين بنجم الزمالك السابق ليفتح النار على اللاعبين بعد الخروج الإفريقي!!

فتح سامي الشيشيني مدرب الزمالك السابق النار على لاعبي الفريق وذلك بعد الخروج من دوري أبطال أفريقيا للموسم الثالث على التوالي من مرحله المجموعات.

وكان الزمالك قد ودع رسمياً مسابقه دوري ابطال افريقيا ، وذلك بعد الخساره أمام فريق شباب بلوزداد الجزائري بهدفين دون مقابل.

وقال الشيشيني في تصريحات تلفزيونية عبر برنامج ملعب أون تايم:”والله تعبنا وبقالي سنين بشتغل في التحليل عمري ما شوفت الزمالك بمنتهى السوء ده .

وواصل :”انا النهارده وعموماً من اول الموسم واحنا مضغوطين ، احنا منوصلش نبقى خامس دوري والاتحاد فوقيه وبيراميدز وفيوتشر والاهلي”.

وتابع :”نستنى المقاولين يخسر من الاهلي عشان لو خدوا الدور الاول الزمالك يلعب كونفدراليه ، ده مش نادي الزمالك”.

وأكمل :”خسرنا دوري وخرجنا من افريقيا والكاس وبنخسر على ملعبنا بقت عادي في ٣ سنين “.

وأضاف :”في بعض اللاعبين من غير ذكر اسماء لا يصلحوا لارتداء قميص الزمالك ، ولكن بعض اللاعبين كان لازم يجوا مع ناس تبني معاهم” .

وشدد :”طارق حامد مع احترامي للجميع وانا دربته من ٣ سنين يشيل فرقه لوحده ، زيزو بقا لوحده مع الونش “.

وتابع :”لكن مع احترامي عندك نوعيه بن شرقي وفرجاني ساسي وطارق حامد ومصطفى محمد و خبرات محمود علاء واوباما في عزه ، انا كنت بدرب وانا نايم متطمن عندي اللي يشيل” .

وأتم :”الوضع حالياً صعب اصل العيب في الجهاز الفني ؟ لا ، فيريرا كده كده معندوش اللي يقدمه ولازم يمشي”.