رفض أحمد حسام ميدو، الانتقادات القاسية الموجهة لـ محمد الشناوي حارس مرمى الأهلي، مشددا على أنه في حاجة إلى الدعم بالوقت الحالي.
وكان ميدو قد شن هجوم ناري على محمد الشناوي بعد فضيحة خماسية صن داونز في دوري أبطال إفريقيا لكن تراجع عن موقفه.
وقال ميدو في تصريحاته عبر برنامج الريمونتادا على قناة المحور: “مش عجبني اللي بيحصل للشناوي من انتقادات خلال آخر 48 ساعة، قولنا إن الشناوي مش مركز وعنده أخطاء لكن ده مش معناه إننا نطالب باستبعاده ونقسو في الانتقادات”
وأضاف: “الشناوي أفضل حارس في مصر دلوقتي، ولازم نحافظ على اللاعيبة بتاعتنا، مش طبيعي إن الشناوي يتحول من سوبر مان لحارس معندوش فكرة”
وواصل: “الشناوي اترفع للسما بعد ماتش الذهاب ضد صن داونز وفي الماتش اللي هناك نزل الأرض، لازم يكون في توازن في التعامل معاه، ده حارس مرمى منتخب مصر الأول، ولو الأهلي أو منتخب مصر خسروا الشناوي هيكون في أزمة”
“كفاية مجالات”.. وصلة هجوم نارية من ميدو على الشناوي بسبب كوارث خماسية صن داونز – فيديو
واختتم: “بقول لجمهور الأهلي عندكوا حارس كويس جدا، الشناوي يحتاج للدعم في الوقت الحالي”
شاهد:
