فتح الإعلامي إبراهيم فايق النار على دفاع نادي الزمالك وذلك بعد الخساره المدويه أمام نادي البنك الأهلي في كأس الرابطه المصريه.
إقرأ أيضاً| “هو إحنا مستباحين للدرجادي؟” .. مدحت شلبي يفتح النار على إمام عاشور بسبب حفل زفافه !!
وكان الزمالك قد ودع منافسات بطوله كأس الرابطه المصريه ، وذلك بعد الخساره أمام نادي البنك الأهلي بثلاثيه نظيفه.
وقال فايق في تصريحات تلفزيونية عبر برنامج جمهور التالته:”هزيمه مخجله للزمالك ، اللي شوفناه ده هو كيف تنهار في ٦ دقايق بالظبط”.
وواصل :”الجول التاني ده كارثه، احنا بنتكلم في الزمالك بطل الدوري السنتين اللي فاتوا ، لعيب بيشيل الكوره وبينضف ولعيبه الزمالك بتتفرج “.
وشدد :”اقسم بالله ده جول بتاع دوره رمضانيه بيلعبوا ٣ ضد ٣ ، لا لعيبه الزمالك قادره تشيل رجليها ولا متخيلين لاعب البنك يلحقها ،ده حرام عليكوا اللي بتعملوه في الجمهور ده “.
وأكمل :”لعيبه الزمالك تحسهم اللي هو ياعم هيجبها من الأوت احنا ناس صايمين وتعبانين وانتوا جايبنا الملعب تتعبونا ياراجل كبر دماغك بعدين ايه ده ده لحق الكوره طب نجري بقا ، بعد ايه ما خلاص ، انا لو لعيب فالزمالك منمش النهارده بعد اللي حصل ده “.
وأتم :”انا لو حطيت نفسي مكان جمهور الزمالك والله مش عارف هبقى عامل ازاي فعلا مش عارف” .
