أكد الإعلامي أحمد حسام ميدو أن الفوز تلى الترجي جنب النادي العديد من الأزمات والتي كان أهمها إثاله الجهاز الفني للزمالك بقياده البرتغالي جيسوالدو فيريرا.
وأنعش الزمالك أماله في التأهل للدور القادم من بطوله دوري أبطال أفريقيا ، وذلك بعد الفوز على الترجي بثلاثية مقابل هدف واحد.
وقال ميدو في تصريحات تلفزيونية عبر برنامج الريمونتادا:”الدنيا كانت متحضره ان الدنيا هتبقى سوده لو الزمالك مكسبش ، الزمالك لو مكنش كسب كان فيريرا هيمشي وانا مرضتش اقول كده امبارح واول امبارح” .
وشدد :”فيريرا لو مشي هتبقى غلطه كبيره جداً جداً ، فيريرا لازم يستمر لانه الوحيد القادر على قياده المجموعه دي من اللاعبين ، هو الوحيد القادر على اعاده الزمالك تاني للمسار الصحيح” .
وواصل :”فيريرا رغم كبر سنه مقاتل اكتر من ناس كتير في المهنه دي ، فيريرا لازم يفضل موجود ، اي حد ايا كان مين هيجي مكانه هيلغبط الدنيا “.
وتابع :”بطالب الناس كلها ان مينفعش حتى لو الكلام خارج من النادي ان فيريرا هيمشي وقبل الماتش بيوم ، الكلام ده مينفعش ، لازم النادي يبقى اذكى من كده ، مبقولش الاعلام لان دي شغلته لكن انا بتكلم على النادي نفسه” .
وأتم :”الزمالك لازم يحافظ على استقرار الفريق بشكل اكبر ، النهارده انطلاقه جديده للفريق محليا وقاريا وفيريرا كان مصر يقول ان مباراه الغد هي البدايه ودي حاجه لازم يعملها” .
