“إستفدت أيه انت وناديك!؟” … مدحت شلبي يفتح النار على الهارب كهربا بعد سبه للزمالك وإيقافه!!

فتح الإعلامي مدحت شلبي النار على الهارب محمود عبد المنعم كهربا لاعب الأهلي بسبب سبه الزمالك وجماهيره ، مشيراً أنه كان يتمنى أن يصدر قرار الإيقاف من الأهلي أولاً.

إقرأ أيضاً| “دفع كل ثروته” .. شوبير يكشف كواليس من العيار الثقيل في أزمه غرامه الهارب كهربا للزمالك!!

وكانت لجنه الإنضباط قد أصدرت قرارها بإيقاف اللاعب محمود عبد المنعم كهربا 12 مباراه وغرامه مليون جنيه ، وذلك بعد واقعه سبه الزمالك بعد مباراه القمه الأخيره بالدوري.

وقال شلبي في تصريحات تلفزيونية عبر برنامج مساء أون تايم:”عمركوا شوفتوا يا جماعه لعيب في اي مباراه في اوروبا بعد المباراه يروح يهتف وسط الجمهور ؟ ، يا جماعه مانشستر يونايتد خسر بالسبعه من ليفربول ومشفناش الكلام ده”.

وتابع :”ماتش كوره وانتهى ليه تروح وسط الجمهور وتقف تهتف وتجيب مشاكل لنفسك ، ما قولتلك يا كهربا كفاياك مشاكل انت ما صدقت لعبت وروحت المنتخب والاهلي بيدورلك على حل لمشكلتك”.

وشدد :”ايه الاستفاده اللي رجعت عليك لما روحت يعني وهتفت ؟ النادي بتاعك استفاد ايه ؟” .

وأتم :”انا كنت شايف ان لازم الاهلي هو اللي يبادر بعقوبه كهربا عشان نمنع الكلام ده في ملاعبنا وانا على فكره قولت نفس الكلام على شيكابالا لما عمل موقف في الامارات”.