أكد الإعلامي سيف زاهر أن كل الأنباء المنتشره بخصوص عوده إمام عاشور لمصر من أجل التوقيع وإتمام إنتقاله للنادي الأهلي لا أساس لها من الصحه ، مشيراً أن إمام أكد له سابقاً أن طموحه هو الإستمرار في الخارج وعدم العوده لمصر خلال الفتره المقبله.
إقرأ أيضاً| رسمياً .. غياب نجمي الزمالك عن مباراة الإسماعيلي القادمه في الدوري!!
وكان نادي ميتيلاند الدنماركي قد أعلن بالأمس عن إصابه لاعبه إمام عاشور وإنتهاء موسمه رسمياً ، وأن اللاعب سيعود الى مصر من أجل إتمام برنامجه العلاجي تحت إشراف طبيب المنتخب محمد أبو العلا.
وقال زاهر في تصريحات تلفزيونية عبر برنامج ملعب أون تايم:”بعض الناس بتقول ان امام عاشور راح ميتيلاند عشان يرجع مع الاهلي وكمان فكره علاجه في مصر اثارت الشكوك” .
وواصل :”البعض قال ان امام مش مصاب ولا حاجه وجي يوقع مع الاهلي ، طيب هل الاهلي عاوز يوقع مع امام عاشور ، اكيد الاهلي عاوز امام عاشور لانه لاعب كبير ولكن هل حصل تحركات من الأهلي ؟ لا”.
وتابع :”طيب هل امام عاشور برضو هيرجع للأهلي ؟ برضو لا ، امام عاشور بياخد من ميتيلاند ٤٠ مليون جنيه وده مفيش نادي مصري هيدفعه” .
وشدد :”امام عاشور نفسه اكدلي ان طموحه ان يكمل في الاحتراف وانه شايف ان النادي الدنماركي ده بوابته للاحتراف ، بعدين النادي ده بيدفع لامام ٤٠ مليون مليون ، ودفع للزمالك ١٠٠ مليون ، هل النادي ده عشان يبيع امام هياخد كام ؟” .
وأتم :”وبعدين امام نفسه اللي بياخد ٤٠ هيرضى يرجع ياخد ١٠ او١١ ؟ والاهلي اللي عمره ما كسر سقف التوقعات هيكسره لامام ؟ ، اعتقد ان ده صعب جداً”.
