أكد الإعلامي سيف زاهر أن الفوز على المريخ السوداني هو بدايه العوده للمسار الصحيح بالنسبه للاعبي الزمالك ، موجهاً الشكر لجمهور الفريق على دعمهم المتواصل رغم تراجع النتائج.
إقرأ أيضاً| “لو جيت تبقى بتخلص على نفسك” .. مجدي عبد الغني يوجه رساله ناريه لمدرب الزمالك السابق بعد إشاعات تدريبه للفريق!!
وقال زاهر في تصريحات تلفزيونية عبر برنامج ملعب أون تايم:”كان في بعض اللقطات اللي لازم نقف عندها ، جمهور الزمالك فرحان ولا زعلان بفوز النهارده ؟ اكيد الجمهور فرحان”.
وواصل :”اه كان في بعض الزعل الفتره اللي فاتت بسبب الاداء والنتائج ولكن هل نقفل الزمالك ؟ نهد الدنيا ؟،الزمالك يمرض ولا يموت الزمالك راجع الفتره المقبله والدنيا هتبقى احسن” .
وتابع :”بعض الجماهير النهارده عملت ايموجي غضبان كده والناس كلها شافتها ، النتيجه كانت ٣-٢ للمريخ”.
وشدد :”لما لاعيبه الزمالك شافتها النتيجه اتقلبت من ٣ -٢ ل٤-٣ ، تتفق او تختلف مع الجمهور لكن لازم نشكرهم انهم راحوا ودعموا اللعيبه”.
وأكد :”الزمالك كده كده راجع واه عارفين ان الجمهور زعلان ولكن اوعى تقولي ان الجمهور وهو بيشوف الكوره بتدخل الشبكه بيبقى زعلان ابدا عمرها ما تحصل”.
وأتم :”الزمالك عمل مباراه كبيره بالنسبه للاداء اللي بنشوفه اخر فتره ، ممكن نعتبرها بدايه للي جي” .
