“عاوزين إيه تاني”.. تعليق ناري من نجم الزمالك السابق على عدم تنفيذ إيقاف الهارب كهربا!!

علق أحمد عبد الحليم نجم الزمالك السابق وعضو لجنة الكرة بالنادي على عدم تنفيذ عقوبة إيقاف الهارب محمود كهربا لاعب الأهلي وإقتراب مشاركته في لقاء السوبر أمام الفارس الأبيض.

وكانت لجنة الانضباط قررت إيقاف الهارب كهربا لمدة 12 مباراة مع غرامة مالية قدرها مليون جنيه بسبب تجاوزه في حق الزمالك في القمة الأخيرة، ولم يتم تنفيذ القرار حتى الآن.

وقال أحمد عبد الحليم في تصريحات تليفزيونية ردا على سؤال ما رأيك في تأجيل لجنة التظلمات في عقوبة كهربا لبعد السوبر؟: “انت عاوزنا نعترض على القرار ده بس!، ولا هو ده القرار الوحيد المثير الجدل؟”.

وأضاف:” انت بتقول وبتقبل أوضاع غصب عنك كل اللي بيحصل مش غريب لإنه بيحصل دايما ضد الزمالك”.

وشدد عبد الحليم: “كفايه اللي بيحصل في الزمالك، خسرنا الدوري وخرجنا من إفريقيا، عاوزين إيه تاني؟”.

وأرردف:” العقوبه اللي اخدها كهربا كانت من الفيفا والزمالك قدم ورق وكهربا قدم ورق والاتحاد الدولي قال ان الزمالك له حق، وبشوف الناس سعيده جدا انه بيلعب، مايلعب ياجماعه”.

وأختتم: “قصه تأجيل العقوبه لبعد السوبر ليست المرة الأولى ولن تكون الأخيرة”.