“متتكلمش كتير” .. خالد الغندور يفتح النار على لاعب الزمالك بعد أزماته الأخيره مع الجهاز الفني!!

وجه الإعلامي خالد الغندور مقدم برنامج زملكاوي على قناه الزمالك رساله للاعب وسط نادي الزمالك عمرو السيسي وذلك بعد الأزمات الأخيره للاعب مع الجهاز الفني المؤقت للنادي بقياده أحمد عبد المقصود.

إقرأ أيضاً| مفاجأه .. وزاره الشباب والرياضه تكشف مصير مرتضى منصور من رئاسه الزمالك بعد الأزمات الأخيره !!

وكانت تقارير صحفيه قد أشارت لوجود أزمه بين اللاعب عمرو السيسي وعبد المقصود بعدما علم الأول انه لن يبدأ مباراه المريخ السوداني لتحدث مشاده مع المدير الفني ليتم إستبعاده من مباراه المريخ وقائمه مباراه المصري البورسعيدي.

وقال الغندور في تصريحات تلفزيونية عبر قناه الزمالك:”عاوز اوجه رساله لعمرو السيسي ، انت بتلعب في نادي كبير يا عمرو ، انت الزمالك لما جابك من طلائع الجيش كنت بتقطع وكويس وشايل نص الملعب لوحدك ، لكن انت لم تثبت نفسك في الزمالك “.

وشدد :”مينفعش لما تقعد دكه تقوم تعترض ،متتكلمش كتير وأشتغل في الملعب ، ولازم عشان تلعب قبل ما المدير الفني يقتنع بيك لازم الجمهور نفسه يقتنع بيك لأن مستحيل هتبقى كويس وتقعد دكه او تلاقي الجمهور مش بيتكلم ازاي ده قاعد دكه الا لو في حاجه غلط” .

وأتم :”ركز في الملعب لانه هو الفيصل وه الحاكم وبلاش كلام كتير”.