فجر الإعلامي أحمد حسام ميدو مفاجآت صادمة بشأن موعد سداد الهارب محمود كهربا لاعب الأهلي غرامه نادي الزمالك.
إقرأ أيضا.. بعد كثرة الشائعات.. فتوح يحسمها ويعلن موقفه من اللعب للأهلي والتجديد للزمالك!!
وقال ميدو في تصريحات تليفزيونيه ببرنامج “الريمونتادا” عبر قناة “المحور”:” كل مصر بتتكلم على كهربا وهيتوقف إمتى وكلام كتير جدا وقانونيه مشاركته أمام بيراميدز”.
وأضاف:” أولا كهربا عنده الحق إنه يفضل يلعب ويمط في تسديد الغرامه على الأقل 5 أو6 شهور يقدر بالقانوني يأجل ويشتري وقت، طيب ازاي والناس بتقول المده تنتهي النهارده، ولو مدفعش مينفعش يشترك كل القانون ده لا أساس له من الصحة”.
وشدد ميدو:” الصح كهربا يوم 8 فبراير طلع قرار إنه لازم يدفع الغرامه بالفوائد، وبيعطي مهله مهله للاعب انه يطعن على القرار أو يشتري وقت، ويفدم طلب حيثيات الحكم،وأي محامي بيعمله كإجراء روتيني”.
وأكمل:” الـ60 يوم المهله بيبدأوا أول لما القاضي يبعتلك الحيثيات يعني الـ60 يوم مش محسوبين لسه، القاضي مبعتش حيثيات الحكم، رد القاضي هيوصل خلال شهر من النهارده، بعدها يبتدوا الـ60 يوم يعدوا على كهربا، وده بعد دراسه كبيرة جدا للقانون ومفيش أي برنامج يقولكم القانون”.
وتابع ميدو:” كهربا مش هيتوقف، لسه معه كام كارت بيلعب بهم، وكل الكلام إن المهله إنتهت لا أساس له من الصحه ولا من القانون، القاضي لسه مردش، وكهربا مستمر في اللعب عادي، هل ده معناه القصه خلصت؟، لا، في عواقب كل اللي يهم كهربا إن المبلع يتلم وأول لما يبقى معه هيدفع”.
وواصل: “كل لما يلعب كويس ويجيب أجوال ده ضغط على الأهلي هو بيعمل كده وبيعمل شغله كويس ومحاميه بيشتري وقت وواخد الموضوع تحدي وبيفرض على كل من حوله إنه يساعده، لومستواه وحش كانت الدنيا هتبقى صعبه عليه ومحدش هيساعده”.
وأردف ميدو:”كهربا عمل اللي عليه والشغل على المحامي يطول الوقت وانا اشتغلت على المعلومه دي علشان اجيب الحقيقه، كهربا هيكمل لعب مع الأهلي لكن العداد بيعد والفوايد بتزيد”.
وأستطرد:” إتفقنا إن يوم 8 فبراير صدر قرار ضده ويوم9 فبراير محاميه طلب حيثيات حكمه، والقاضي لسه مردش ممكن يرد خلال شهر، مهله السداد لسه مبداتش، ولو الـ60 يوم عدوا ومسددش ورجع الموضوع للجنة الإنضباط ممكن الإيقاف يبقى سنه والغرامه تزيد وأكيد كهربا مش هيروح للقصه دي”.
وأستانف: “لو الزمالك قدم شكوى ثانيه القاضي هيضرب جامد، الزمالك كده كده هياخدفلوسه، في طريق تاني كهربا هياخده وهيشتري5 شهور أول لما القاضي يرد عليه وقدامه 21 يوم يطعن في الكاس على قرار الفيفا، وساعتها هيدفع 100 الف فرانك سويسري وهو بيعمل التظلم، بس هنا في مخاطره ليقبلوا الطعن أو يرفضوه، لو الطعن اتقبل كهربا هيكون معه 4شهور كمان”.
وزاد ميدو:” هل كهربا عنده أي نسبه إن الطعن يلغي الغرامه؟ لا كهربا كده كده هيدفع، لكن عنده يلعب بالاجراءات ويشتري وقت لشهر 8 او9 القادم، وقتها لمايتاخد قرار الغرامه هتزيد 45٪ يعني الرقم هيبقى 2 ونصف مليون دولار غير الفوايد”
وأستكمل: “كهربا بيعمل إجراءات لتعطيل دفع الغرامه وبيلعب الجيم مع الناس ده هيكلفه فلوس، وممكن لومعه مليون دولار يسدده والزمالك يخطر الفيفا انه سدد ويثبت حسن نيه للفيفا ويخلي القاضي والمحكمه يبتدوا يعطوه وقت للسداد، أيوه كهربا يقدر يقسطها وإثبات حسن نيه للمحكمه إن انا ماشي في إجراءات الدفع والقاضي يعطبه مهله، وكل ده مش معناه إيقافه عن اللعب لان الفيفا الاولويه عندها اللاعب يمارس مهنته طول ما هو بيثبت حسن النيه”.
وأختتم:”كهربا بيلعب لكن الأزمه بتكبر والرقم بيزيد وكل كلام أن كهربا هيدفع كلام كله ليس له علاقه بالقانون الزمالك من حقه لازم يقول استلمت الفلوس ومتاحه ليا، الموقف واضح الفيفا أقرت اللي عمله غلط ولازم يتحاسب عليه وكل ده إجراءات وكده كده حق الزمالك محفوظ لكن إمتى بقى بعدما الإجراءات تنتهي
ولو كهربا رجع للجنه الانضباط تاني هيبقى مسك سلك لكهربا بجد”.
