وجه مدحت عبد الهادي المدرب العام للفريق الأول لكرة القدم بنادي الزمالك، رسالة ناريه لمنتقدي الجهاز الفني وخاصة الجهاز المصري المعاون.
وقال مدحت عبد الهادي في تصريحات تليفزيونيه عبر قناة “الزمالك”:” الحمدلله فوز مهم، على فريق محترم ومحقق نتائج جيدة خلال الفترة الماضية، كابتن أيمن الرمادي بينفذ طريقه إيجابيه على مرمى الخصم”.
وأردف: “كنا محتاجين المكسب وبطالب الجميع الصبر على المدير الفني لإن عنده طريقه جديده عاوز ينفذها بالكرة المصريه، والحمدلله بدأت تتنفذ بنسبة70٪”.
وشدد عبد الهادي:” الصبر بس لإننا بنتهاجم كتيرمن الإستديوهات التحليله ومن أبناء النادي كجهاز معاون، والجهاز المعاون بيتأخد برأيه وبنوصله المعلومه وهو الرأي الأول والأخير لأوسوريو، وبنعمل اللي علينا والطريقة لما تتنفذ أكثر شكل الفريق هيختلف”.
وتابع: “بنوصل رساله لو في تقصير هما شايفينه لكن إحنا بنأدي شغلنا والماتشات الجايه هتكون أفضل، ومفيش وقت بين الماتشات علشان نشتغل تخصصي وخاصة في الجزء الهجومي”.
وواصل:” إن شاء الله الجاي أفضل بالطريقه الجديده الي بيشتغل بها اوسوريو، هدفنا الأستحواذ علي الكرة وانا شايف الطريقه ناحجه والتمركزات وناقص مننا 5 او6 لعيبه من الفريق”.
وأختتم:” إن شاء الله القادم يكون افضل والموسم الجديد هيبقى مختلف لو إستمرينا مع الفريق”.
