تحدثت نجمات طائرة الزمالك عن الفوز بكأس مصر على حساب الأهلي وعن إنتقالهن للفريق بداية الموسم.
وقالت ياسمين نوح كابتن الفريق في تصريحات تليفزيونيه ببرنامج “زملكاوي” عبر قناة “الزمالك”:” والدي سوداني ولما جه مصر كان جاي للأهلي ولكن ربنا كرمه بالزمالك”.
وأضافت: “بنشكر مستر أحمد مرتضى بسبب الدعم الكبير لفرق البنات، ولما كنت اكلم مسئولين سابقين عن ضرورة وجود فريق طايره كانوا بيرفضوا”.
وشددت نوح:” كلام السوشيال ميديا ان أحمد مرتضى ضيع الفلوس على فرق البنات أحب اقول ان عقود الفرقه كلها بعقد لاعب او اثنين من فرق الرجال”.
ومن حانبها قالت دانا شوقي: “اتقال عليا بعتي النادي الأهلي علشان الفلوس وان بتطاول على النادي، وتم التطاول على عيلتي، حاجات كتير بتتكتب تضحك من اللي بيقولوه لإن بيخلي الجمهور اللي مش فاهم هيغلطوا، احنا بنحاول نحافظ على صداقتنا كلاعبات ومبندخلش السوشيال ميديا بينا وقررنا نقفل السوشيال ميديا ونركز في الماتشات”.
وأشارت:” احنا الأول والأخر أصحاب ومينفعش يحصل هجوم من السوشيال ميديا لإن علاقة اللعيبه عاديه والناس هي بتشرس الناس على بعض لكن احنا قادرين نحافظ على علاقاتنا ببعض”.
وأردفت دانا: “عقدي كان خلص مع الأهلي ومتفقتش مع إدارة الأهلي، والزمالك كان مكلمني فوافقت وسألت عيلتي لان كلهم اهلاويه وتشاورنا ووصلنا لقرار انه الأسب بالنسبه ليا انتقل للزمالك”.
وأختتمت:” انا عضو عامل بالأهلي وهوبيتي وبحب أقعد هناك ومحدش ببضايقني وبيرحبوا بيا والامن لسه عارفني”.
بينما قالت أيسل لاعبة طائرة الزمالك: ” اول بطولة في حياتي انا كنت في نادي الشمس لحد 2018 خدت بطولات مع الناشئين لكن الفريق الاول مأخدتش ولا بطولة كل مرة كنا بنوصل مع الأهلي للنهائي كنا بنخسر واخيراً كسبت اول بطولة فحياتي كا فريق اول سواء مع نادي الشمس او نادي الزمالك
ورد خالد الغندور : “ايوة عشان الاهلي اشتري فريق الشمس كله”.
