أكد خالد مرتجي امين صندوق النادي الأهلي، إنه كان يتمنى مشاركة الزمالك في مباراة السوبر بالأمس أمام الأحمر.
وأوضح مرتجي في تصريحات لبرنامج “الماتش” عبر شاشة “صدى البلد”: “الأهلي نادي القرن في إفريقيا وجماهيره تستحق الفرحة, مبروك للأهلي وشعب مصر”.
وأضاف:” مبروك لمحبوب الخطيب السوبر، الأهلي بيشتغل باحترافية وكنت واثق من الفوز، نملك مدير فني على أعلى مستوى والتغييرات فرقت مع الأهلي خلال اللقاء”.
وشدد مرتجي: “الأهلي وصل ان مفيش أساسي ولاعب قاعد على الدكة، كهربا لاعب مهم ودائما له بصمة وربنا بيكرمه لأنه ضحى كتير وشاف حاجات كتير تحس انه لاعب نقي وبيحب النادي الأهلي وروح الفانلة الحمراء جواه”.
وأشار: “كنت أتمنى مواجهة الزمالك، لما تكسب بطولة على حساب الزمالك لها طعم تاني” .
وأردف: “الترجي فريق كبير وكان متوقع ييجي عليه قرار بدون جمهور لأنه اخد قرار قبل كدا مباراتين بدون جمهور مع ايقاف التنفيذ علشان كدا كان متوقع معاقبتهم”.
واتم: “الخطيب خاف يسافر لإنه لسه كان عنده وعكة صحية لكن هو الغائب الحاضر معانا طول الوقت”.
