خالد الغندور يوضح تفاصيل جديدة بشأن أزمة يوسف أسامه.. ويوجه رساله قويه لأسامه نبيه-فيديو

أكد الإعلامي خالد الغندور، ان الزمالك ستعاقد مع بديل أفضل من يوسف أسامه نبيه لاعب الفارس الابيض وذلك بعد رفضه التجديد والتوقيع لبيراميدز.

وقال خالد في تصريحات تليفزيونيه عبر برنامج “زملكاوي” عبر قناة “الزمالك”:” كتر الكلام على يوسف اسامه نبيه الحقيقة ان يوسف ابن اسامه نبيه زميل ملاعب واخ اصغر لما بكلم على لاعب فبتكلم ع ابن اسامه نبيه وابن كابنن فاروق جعفر تعالوا نفرق بين لاعب زميل وابنه”.

وأضاف: “يوسف وسيف الزمالك بيسعى لتجديد تعاقدهما، والثنائي قدموا مباريات جيده الموسم الماضي وعلي اسمهم وبعد رحيل امام سيف اخد مباريات اكتر”

وشدد الغندور:” هما طبعا ولاد النادي وزملكاويه وبيسعى يجددلهم لكن بالمبالغ المناسبه للتجديد لهم، اتعرض على يوسف من بيراميدز مبلغ كبير وبدأ كابتن اسامه يفكر انه يمضي في بيراميدز وفعلا وقع لبيراميدز وحصل على مقدم التعاقد”.

واردف:” من10 أيام حصل اجتماع بين امير ويوسف اسامه وعرض عليه مبلغ ومنه نسبه المشاركه ورفض واتكلموا مع اسامه نبيه وقالهم مش هيوقع لناديين هو وقع لبيراميدز، وقالوا لكابتن اسامه هنحل مع بيراميدز ورفض كابتن اسامه، والزمالك عرض الغاء نسبه المشاركه في اول موسم ورفضوا”.

واردف: “اوسوريو قال مش مطالب اطور لاعب واشتغل معاه هو بعد شهور مش هيكون معايا ودور يوسف انتهى مع الزمالك”.

وأكمل الغندور:” سيف فاروق جعفر معروض عليه من بيراميدز والامارات مبلغ كبير وتم عرض مبلغ يناسب الزمالك وتطوره ومستواه وقوته لكن العرض لم يلاقي رضا سيف وشايف ان العروض اكبر من الزمالك والزمالك بيحاول يرفع له العرض شويه”.

وأشار:” احنا بكون فريق علشان نحصل على بطولة وبغض النظر عن رؤيتي لأي لاعب لكن انا عاوز لاعب جعان كره اكتر من ان يكون هدفه المال واللي اقوله نسبه مشاركه يسعد ومتفرقش معاه”.

وزاد:” نحن في عالم الإحتراف كابتن اسامه نبيه ويوسف شافوا ان مصلحته يروح بيراميدز والمبلغ مش فارق كتير عن الزمالك ولكن هو اختار وبنحترم قرار كابتن اسامه ويوسف، الزمالك يسعى يجيب لاعب افضل بكتير من يوسف هو شاف ان النادي اتاخر يجددله وشاف مصلحته “.

وأكمل الغندور:” اللي يزعل ان كابتن اسامه نبيه ابن الزمالك المفترض انه كان يقعد ابنه بالنادي لان شعبيه الزمالك وجماهيريته لاتقارن باي نادي أخر”.

وأختتم:” بوعدكم هنجيب احسن من يوسف أسامه، وسيف جعفر معروض عليه مبلغ كويس جدا ومناسب لعطائه وهو لسه موقعش لاي نادي واتمني ان سيف يتخذ القرار يبقي داخل الزمالك”.