“شكلهم وحش أوي”.. تعليق ناري من خالد الغندور على إعتذار الزمالك عن السوبر وخطاب إتحاد الكرة!!
علق الإعلامي خالد الغندور، على قرار الزمالك بالإعتذار عن المشاركة في بطولة السوبر أمام الأهلي بسبب تعنت إتحاد الكرة وخطاب الجبلايه المرسل إلى الفارس الأبيض اليوم.
وقال خالد الغندور في تصريحات تليفزيونيه ببرنامج “زملكاوي”، عبر قناة “الزمالك”:” جاي لكم أكثر هدوءً عن الأيام اللي فاتتك، لإن حسيت من رموز وجماهير الزمالك سعداء بالإعتذار عن السوبر، الزمالك هو بطل الدوري وهي البطولة الأقوى”.
وأضاف: “الزمالك كان هيكسب ماليا ومعنويا من بطولة السوبر، ولكن كنت هتخسر كتير وقوي قوي، الزمالك بقراره التاريخي لما إعتذر هو إعتذار لكرامة النادي وإحترامه لنفسه، الزمالك باللي عمله بيعيد كبرياء وكرامة النادي”.
وأردف الغندور:” اللجان الإليكترونيه من السوشيال ميديا وصحفيين وإعلاميين كبار ومعظمهم منتمين للنادي المنافس قالوا الزمالك مش هينسحب، ياحنفي مرتضى منصور، ايه هتنزل المره دي”.
وشدد:” لما قلنا في إجتماع لجنة كره قالوا رئيس النادي مكسوف يرحع في كلامه ولجنه الكره هتعمل تمويه وتعلن القرار، وجالنا تليفونات ومن ناس كبار في الرياضة وضغط للتراجع عن القرار ولكن كان الزمالك بيستعد لإصدار بيان للرد على ماحدث”.
وواصل: “إتحاد الكرة شكله وحش قوي وقالك خلال ساعه تردوا علينا، زي ما الأهلي قال لرمضان قدامك ساعه وإلا مش هتلعب بالاهلي”.
وتابع الغندور:” إتحاد الكره أصبح معادي لنادي بقيمة الزمالك، مش من دلوقتي لا من زمان ورفضهم القيد وإستلام شيكات وتستبق الأحداث وتقول من غير رصيد، وأصبح العداء شخصي، وإزاي إتحاد الكره بمافيه من قامات يرسل خطاب للزمالك يقوله قدامك ساعه”.
وأكمل: “الزمالك إنتصر وعرى ناس كتير في الرياضه المصريه اللوائح اللي بتتغير نصف الليل وبتطبق حسب المزاج، لايستطع النادي اللي على رأسه ريشه أن يتحدث مع الإتحاد الإفريقي وراح لعب كاس العالم وكاس الامم بتلعب ميقدرش يفتح بوقه،انما هنا لا عبدالله السعيد هنا إحجز عليه والمحكمة الدوليه تقول لا”.
وأختتم: كهربا مين عمل عليه عقوبه؟ الاتحاد الدولي ومحكمة الكاس عملت عقوبه أكبر وأتوقف وبعد إنتهاء الإيقاف لعب وإتصرنا احنا جامدين، كل جماهير الزمالك الكبيره والعريضه فرحانه لإنهم عاوزين يلعبوا في مناخ تنافسي محترم ويعطي للمظلوم حقه”.
