“عاوز أقلعهم التيشرت”.. نجم الزمالك السابق يفتح النار على لاعبي الفريق بسبب مايحدث!!-فيديو

فتح عفت نصار لاعب الزمالك السابق النار على لاعبي الفارس الأبيض، بسبب الأداء السيئ الذي يظهر به الفريق خلال تلك الفترة.

وقال عفت نصار في تصريحات تليفزيونيه ببرنامج “البريمو” عبر قناة “Ten”:” إحنا كان عندنا طارق حامد وإمام عاشور وبن شرقي ومصطفى محمد انت دفعت اكثر من ثمنهم في لعيبه اقل بالمستوى”.

وأضاف:” لو الأموركانت ماشيه كويسه مكنش ده حصل، المسئولين لازم يتحاسبوا، وزي ماحصل ايام ممدوح عباس وكانت فتره سيئه ولعيبه دون المستوى، الفتره اللي فاتت سيئه ولو معايا مستند هقدم بلاغات لكن كله كلام مسجل من لاعبين قالوله ليا”.

وشدد نصار:” في لاعب مضى على 16 مليون واخد4 مليون بس، نيبوشا كان موقع على عقد بمبلغ معين وأخذ أقل، وكلها سمسره لناس غير مسئوله ولازم تتحاسب، فين الدوله من الكلام ده، الزمالك كيان كبير وحرام نسيب الزمالك، ولومفيش زمالك مش هيبقى في أهلي”.

وتابع:” الزمالك مفيش فيه إداره، مين جاب اللعيبه دي مين دول؟ حتى الناشئين تهريج فس القطاع حاتم سكر كمية ميس باص كثيرة والمدافعين بيعملوا ايه اللي اسمه روقا ده بيعمل ايه، انت مشيت لعيبه علشان تحيب مين، فين الفلوس؟، يامعالي الوزير حضرتك فين من الزمالك متسبوش النادي كده”.

وأردف نصار: “مجلس الإدارة تابعبن ورافضين يأخذوا قرار ولازم يمشوا، لإنه مبيأديش الخدمه، المفروض متطوعين هو في حد متطوع بيحارب على الكرسي وقضايا، انتم مش عارفين تديروا سيبوا النادي للجماهير واللي عاوز يدير بإحترام”.

وأكمل:” في حاجات كتير قوي ومش عاوز اتكلم، انتم ماسكين فيها ليه، لكم كل الشكر وعملتوا اللي عليكم ونعملكم شهادة تقدير لكن حرام عليكم”.

وواصل نصار:” اوسوريو cv كويس لكنه عاجز انه يعمل حاجه، سكر بيغلط ومصر عليه شوفوا باك ليفت ثاتي، الاخ روقا عمري ماشوفت ديفيندر بالشكل ده وبيعمل ميس باص ومحدش بيضغط عليه”.

وأشار:” الأمور هتختلف لما يكون في روح عند اللعيبه ممكن لعيبه قليله لكن بالروح الأمور هتختلف، انت الماتش الي فات كنت حاسس مش الزمالك وكنت عاوز اقلعهم التيشرتات لازم يتخصم منهم فلوس على سوء الاداء واللي بيحصل منهم”.

وأختتم: “للأسف الإدارة تسأل عن رحيل يوسف اسامه وسيف جعفر لانهم بيجيوا في اخر الوقت، هو انتم بتفاجئونا انتم بتضروا النادي ولازم تقفوا عند حدكم وتتحاسبوا عن اللي حاصل”.