أكد أحمد حسام ميدو لاعب الزمالك السابق، أنه سيكون هناك جلسة مع حمزة المثلوثي ظهير أيمن الفارس الأبيض لتجديد تعاقده مع الفريق.
وقال ميدو في مداخلة هاتفيه ببرنامج اللعيب عبرقناة “mbcمصر”:” يوسف أسامه ابن الزمالك، واوسوريو، لما حسه انه مشتت، خاف عليه يتعور وان حاله عدم التركيز ممكن تاثر عليه وعلى اللي حواليه أستبعده من المران الجماعي”
وأضاف:” اوسوريو مجمدش يوسف، هو قال هيدرب تحت إشراف الجهاز الفني بس منفرد، ومفيش تجميد التجميد ده مبيشاركش ومش معنى انه بيدرب لوحده انه مجمد، المدرب هو حاسس بلعيبته هو حاسس ان موقف يوسف مأثر عليه ومشتته ومش قادر يركز في التدريبات وبيحميه، وبيعمل برنامج لحد مايحدد موقفه من التجديد من عدمه”.
وشدد ميدو: “الزمالك عمل عرض ليوسف وتم تجديده من48 ساعه من قبل كابتن عبدالواحد السيد مدير الكرة والمسئول عن ملف التجديد اللاعبين، كلام غير حقيقي من كابتن أسامه نبيه إن عبد الواحد قاله مش مسئول ومتفهم هو بيقول كده ليه”.
وتابع:” المسئول عن تجديد العقود عبدالواحد السيد لكل اللاعبين وعقد جلسه مع سيف ويوسف، وحمزه المثلوثي هيقعد جلسه معاه بعد مباراة اسوان”.
واردف ميدو: “المسئول عن ملف التجديد موجود وهو كابتن عبد الواحد ومفينعش تقول محدش بيرد عليه، الزمالك في منصب مدير الكره بغض النظر المجلس موجود اولا ومدير الكرة مسئول وعارف الأمكانيات الماليه ومعاه صلاحيات”.
وأشار:” رأي المدرب ان يوسف هو اللي يدرب لوحده وشايف ان سيف مركز ومفيش دوشه على سيف، اللي عمل دوشه على يوسف هو كابتن أسامه بتصريحاته لان الاثنين ولادنا، الزمالك مبيدبحش ولاده، كابتن فاروق مبيتكلمش، كلام كابتن اسامه مش نفس كلام كابتن فاروق بيقول سيف هيجدد كابتن اسامه كلامه مختلف”.
واوضح ميدو: “يوسف مضي في نادي تاني، ايه الأزمه؟، لو وقع لاي نادي و هيكون موجود في الزمالك لآخر عقده”.
وزاد ميدو:” الزمالك هيكون في حساباته ما لا يقل عن350 مليون جنيه خلال ايام، الزمالك معاه فلوس وبطمن الجمهور خلال اسبوع او10 ايام ازمة الحسابات البنكيه هتتحل”.
وأختتم: “علي ابني بيتمرن كويس مع فريقه محتاج يجتهد ويشتغل على نفسه علشان يتصعد فريق اول، وارفض اي مجامله، واتعرض عليه يتعمل عقد ورفضت انه يتعمل له وعمره ماعمل عقد مع الزمالك،والمسئولين طلبوا وانا رفضت، ولمايجي وقت مناسب يوقع عقد هيوقع، مليش منصب بالزمالك والله اعلم المستقبل هيكون لي او لا”.
