“هنوقع العقد مع مين”.. أسامه نبيه يثير الجدل بشأن تجديد عقد نجله مع الزمالك وتوقيعه لبيراميدز!!-فيديو

أكد أسامه نبيه مدرب الزمالك السابق، أن الفارس الأبيض يمر بمنعطف خطير حاليا، ولانعلم من سيقوم بتوقيع عقود تجديد نجله يوسف مع الفريق، وشدد المهم مستقبله.

وقال أسامه في تصريحات تليفزيونيه ببرنامج “اللعيب” عبر قناة “mbc مصر”:” كان في مؤتمر بالزمالك اليوم، لسه واقفين عند عرض قدمه الزمالك وبنتكلم فيه من 4 ايام، لكن وضع الزمالك محدش عارف حاجه، ويوسف وسيف جعفر محدش منهم جدد كما قال أحد الإعلاميين”.

وأضاف: “الزمالك بيمر منعطف خطير، هنقعد مع مين في الزمالك، وميدو قالي هنقدم عرض تاني”.

ومن جانبه قال إكرامي الشحات لاعب الأهلي السابق:”
لما بيراميدز بيحط عينه على لاعب مش من يوم أو اثنين، لا دول من السنه اللي فاتت، واتفقوا مع يوسف من 5 شهور ومخلص كل حاجه وهل بيراميدز هيفرط فيه، والزمالك هيدفع فلوس منين”.

وهنا رد اسامه قائلا:” اه الكلام من بدري، حتى لو الزمالك عرض فلوس مين هيوقع على العقود والسؤال الزمالك في لغط حاصل، ولو جدد العقد مع الزمالك وهو موقع لبيراميدز لو الزمالك سجل العقد هيبقى من حقه اللاعب، لكن احنا منعملش كده ونوقع لناديين”.

وأختتم:” أحنا مبسوطين وخير الزمالك علينا، ولكن اللعب وكمية اللعب، آخر فتره بيشارك ربع ساعه، احنا عاوزين نلعب، إحنا متأخرين في الفترات اللي كان بياخدها بدأ جهاز المنتخب يبص عليه لانه مستقبل”.